Өмнөх оны байдлаар 100 мянга гаруй монгол хүн гаднын орнуудад амьдардаг гэх тооцоо бий аж АНУ-д гэхэд 15 мянга гаруй монголчууд амьдардаг нь арван жилийн өмнөхөөс 300 хувиар өссөн үзүүлэлт гэнэ.

Уул уурхайн зарим шинжээчийн тооцоолсноор Монгол Улс нэг их наяд ам.доллараар үнэлэгдэх нөөцтэй гэж тус цахим хуудсанд бичжээ. Лос Анжелест ажилладаг Ц.Гэрэлт "Эдийн засгийн өсөлтөөрөө Монгол Улс дэлхийд хоёрдугаарт эрэмбэлэгдэж байгаа. Гадаадад амьдарч буй монголчууд буцаж очих тухай бодож эхэлсэн" гэж ярьсан байна. Мөн тэнд 12 жил амьдарсан Д.Зулаа "Америкт байснаас Монголд амьдрах нь илүү боломж олгоно" гэж ярьжээ.