Энэ удаагийн Орон нутгийн сонгуульд 9,2 тэрбум төгрөг зарцуулахаар тогтсон. Үүнээс 5,2 тэрбум төгрөгийг улсын төсвөөс, 1,4 тэрбумыг нь орон нутгийн төсвөөс гаргахаар тусгасныг УИХ-ын чуулганы хуралдаанаар хэлэлцэн баталлаа.

Орон нутгийн сонгууль ирэх арваннэгдүгээр сарын 21-нд болох бөгөөд үүнээс өмнө иргэдэд сонгуулийн хуулийг таниулах, сурталчлах ажлыг хийх ажлыг өнөөдрөөс эхлүүлэх үүргийг СЕХ-нд үүрэг болголоо.

 Мөн "Виз олгох нөхцөлийг хөнгөвчлөх тухай Монгол Улсын Засгийн газар, Бүгд Найрамдах Солонгос Улсын Засгийн газар хоорондын хэлэлцээр"-ийн төслийг УИХ-ын чуулганы хуралдаанаар баталлаа. УИХ-ын Аюулгүй байдал, гадаад бодлогын байнгын хорооны өчигдрийн хуралдаанаар хоёр орны хооронд зорчих визийн нөхцлийг хөнгөвчлөх хэлэлцээрийн тухай асуудлыг хэлэлцээд чуулганы хуралдаанд оруулахаар санал нэгдсэн юм.