НИТХ-ын сонгуулийг УИХ-ынхтай хамт хийж, ачааны нэлээд хувийг нугалсан ч гэсэн аймаг, дүүрэг, сумын ИТХ-ын сонгуульд ийм олон хүн өрсөлдөхөөр болжээ. Сонгуулийн хэсгийн хороодоос ирүүлсэн нэр дэвшигчдийн тоо, мэдээллийг СЕХ нягталж, нэгтгэж дууссанаа өчигдөр зарласан нь энэ. Уг сонгуульд зургаан нам, хоёр эвсэл оролцохоор бүртгүүлсэн. МАН, АН, Эрх чөлөөг хэрэгжүүлэгч нам дангаараа нэр дэвшүүлсэн бол МАХН зарим газарт ИЗНН-тай, зарим газарт МҮАН-тай эвсэж, мөн цөөнгүй тойрогт дангаараа нэр дэвшүүлжээ. Зарим тойрогт МҮАН дангаараа оролцох болсон байна.

Аймаг, сум, дүүргийн ИТХ-ын төлөөлөгчдийн 985 суудлын төлөө 2765 хүн өрсөлдөх юм байна. 985 суудлын 689-ийг мажоритар, 336-г пропорциональ буюу хувь тэнцүүлэх хэлбэрээр сонгох аж. Намаар нь ялгаж үзвэл МАН 1029, АН 1019, Иргэний Зориг- Ногоон нам 115, МАХНИЗНН- ын “Иргэний шударга ёс” эвсэл 28, МҮАН 46, МАХНМ ҮАН –ын “Шударга ёс” эвсэл 69, Эрх чөлөөг хэрэгжүүлэгч нам зургаа, МАХН дангаараа 332 хүн сойжээ. Мөн 134 хүн Аймаг, дүүргийн ИТХ-ын сонгуульд бие даан нэр дэвшүүлэхээр бүртгүүлсэн байна. Аймаг, сум, дүүргийн ИТХ-ын сонгууль холимог системээр болох бол сумынх мажоритар хувилбараар болно.

Манай улс 334 сумтай. Тиймээс ч суманд гол өрсөлдөөн болно. Сумын ИТХ-ын 6828 суудлын төлөө 16369 нэр дэвшигч өрсөлдөх юм байна.