Cap шинийн баярын өмнө УИХ-ын гишүүн Г.Баярсайхан Чингэлтэй дүүргийн 1000 ахмадад хүндэтгэл үзүүлж, хийсэн ажлынхаа тайланг тавьсан байна. Тус уулзалтад Чингэлтэй дүүргийн Ардчилсан намын дарга Б.Батбаатар оролцсон бөгөөд уулзалтын үеэр өндөр настнууд гишүүний санаачилгаар хийсэн гэрэлтүүлгийн ажлыг энэ оны хамгийн том буянтай үйлс хэмээж байгаагаа хэлсэн юм. Утаа униар ихтэй, гэрэлтүүлэг багатай тус дүүргийн гэр хороололд 1000 гаруй гэрэлтүүлэг нэмж тавьсан байна. Мөн гэрэл цахилгаангүй айл, өрхүүдэд нарны гэрлээр ажилладаг бага оврын цахилгаан үүсгүүр өгсөн нь өрхийн амьжиргаанд ихээхэн тус нэмэр болж байна гэж иргэд ярьж байлаа. Түүнчлэн гишүүний санаачилсан Эрүүл мэндийн эмчилгээ оношилгооны төв иргэдийн эрүүл мэндийг хамгаалахад чухал үүрэгтэй байгааг сайшааж байв.