2010 оны 5 дугаар сарын 21-ний өдөр Засгийн газрын ээлжит бус хуралдаан болж Хуралдаанаар Өмнийн говийн бүсийн хөгжлийн зөвлөл байгуулах тухай асуудлыг хэлэлцлээ. 2009 оны Засгийн газрын 57 дугаар тогтоол, Монгол Улсын Засгийн газар болон “Айвенхоу Майнз Монголия инк” ХХК, “Айвенхоу Майнз лимитед”, “Рио Тинто интернэшнл холдингс лимитед” компани хоорондын Хөрөнгө оруулалтын гэрээний 4.1-д заасныг үндэслэн Монгол Улсын Засгийн газраас Өмнийн говийн бүсийн хөгжлийн зөвлөл байгуулах тухай хэлэлцэж тогтов. Энэ зөвлөл нь Өмнийн говийн бүс, орон нутгийн хөгжлийн стратеги, төлөвлөгөө болон төсвийг боловсруулах, санхүүжүүлэх, хэрэгжилтийг зохион байгуулахад Засгийн газарт туслалцаа үзүүлэх үүрэг бүхий хөгжлийн зөвлөл байх юм. Хуралдаанаас өмнийн говь бүс нутгийн хөгжлийн төлөвлөлт, хүн амын төвлөрөл, суурьшлийг урьдчилан тооцож, хот байгуулалт, дэд бүтцийн нэгдсэн бодлогоор хангах, хөрөнгө оруулагчаас Оюу толгой төслийн тогтвортой үр ашгийг хангаж, Монгол Улсын эдийн засаг, нийгэмд, түүний дотор ард түмэнд хүртээх ажлыг зохион байгуулахад Засгийн газарт үр дүнтэй дэмжлэг үзүүлж ажиллахыг Өмнийн говийн бүсийн хөгжлийн зөвлөлд үүрэг болголоо.

Зөвлөлийн орлогч даргаар УИХ-ын гишүүн, ЭЗБХ-ны дарга Ц.Баярсайхан ажиллахаар болсон байна.