Швейцарийн Давост Дэлхийн эдийн засгийн чуулга уулзалтад Монгол Улсын Ерөнхийлөгчийг дагалдан оролцсон Гадаад харилцааны сайд Л.Болд энэ сарын 25-ны өдөр Швейцарь-Азийн худалдааны танхимын Монголын хорооны дарга Л.Мореттитой уулзаж, хоёр тал худалдаа, үйлвэрлэлийн салбарт хамтран ажиллах бололцооны талаар санал солилцлоо. 

Энэхүү уулзалтад тус танхимын гишүүн зарим байгууллагын төлөөлөгчид оролцсон юм.

Худалдааны танхимын Монголын хороо байгуулагдаад удаагүй байгаа энэ үед худалдаа, үйлдвэрлэлийн чиглэлээр Монголтой хамтран ажиллах сонирхол бүхий швейцарийн компаниуд, ялангүяа жижиг, дунд үйлдвэрлэгчдийн тоо нэмэгдэж байгааг онцлоод эм бэлдмэл, сэргээгдэх эрчим хүч, аялал жуулчлал зэрэг салбарт хамтын ажиллагаа тэлэх бололцоо өргөн байгааг тэмдэглэсэн юм. Түүнчлэн  Монгол Улс Дэлхийн эдийн засгийн чуулга уулзалт байгууллагын хамтын ажиллагаа идвэхжиж энэ оны 9 дүгээр сард Улаанбаатарын чуулга уулзалтыг зохион байгуулахаар болсон тухай мэдээллээ.