УИХ-ын гишүүн, Эдийн засгийн байнгын хорооны дарга Ц.Баярсайхантай уулзаж ярилцлаа.

-УИХ-ын чуулганаар Монгол Улсын эдийн засаг нийгмийг 2010 онд хөгжүүлэх үндсэн чиглэлийг хэлэлцэж эхэллээ. Чуулганы эхний өдрөөс авахуулаад гишүүд Засгийн газарт нэлээд шүүмжлэлтэй хандаж байна. Өмнөх жилийн гүйцэтгэлийн биелэлт муу байгаагаас эхлүүлээд Засгийн газрын гишүүдийн ирц хангалтгүй байна гэх мэтчилэн. Таны хувьд юу гэж үзэж байна?

-УИХ-ын намрын чуулганы гол онцлог нь ирэх жилийнхээ мөнгө төсөв, эдийн засаг нийгмийнхээ үндсэн чиглэлийг хэлэлцэж баталдаг. Өнгөрсөн долоо хоногт УИХ-ын нэгдсэн чуулганаар Төрөөс мөнгөний бодлогын талаар баримтлах тогтоолын төслийг хэлэлцэх эсэх асуудлыг шийдлээ. Энэ жил инфляцийн түвшин харьцангуй буурсан, гадаад валютын нөөц тодорхой хэмжээгээр өссөн, олон улсын валютын сантай хэрэгжүүлж байгаа бодлого тодорхой хэмжээнд хэрэгжиж үр дун өгсөн гэх мэдээлэл байгаа. Үүнийгээ хэлэлцэнэ. Монголбанкныхны оруулж ирж байгаагаар инфляцийн түвшинг найман хувьтай байлгах ийм гол зорилтыг тавьж байгаа юм билээ. Ер нь өнөөгийн эдийн засгийн байдлыг авч»үзвэл зээлийн хүү жилийн 28-30 хувьтай байна, зээлийн эх үүсвэр дутагдалтай, зарим салбар нь үндсэндээ зогсолтын байдалд орчихсон, банкуудын байдал ч бас төлөв нь сайнгүй байна.

Ц.Баярсайхан: Одоо ярьдаг нь хүртэл салаад нэг нь үндсэн чиглэл, нөгөө нь төсөв ярих боллоо