-Чуулганы завсарлагааны хугацаанд ямар ажил, амжуулж байгааг тань сонирхож болох уу?

-Өөрийн тойрог Дорноговь аймагт ажиллаад өнөөдөр ирлээ. Хэд, хэдэн сум болон аймгийн төвдөө ажилласан. Цас багатай зуд турхангүй сайхан хавар болж байна билээ. Мөн Газрын тухай багц хуулийг хаврын чуулганаар хэлэлцэхтэй холбогдуулан хоёр аймгийн газрын албадад төслийг хүргүүлсэн байсан. Түүгээр хэлэлцүүлэг хийлээ.

-Иргэдийн зүгээс хуультай холбогдуулан ямар асуудлыг түлхүү тавив?

Орон нутгийн иргэд өвөлжөө хаваржааны газрыг эзэмшүүлэх, өмчлүүлэх асуудалд нэлээд маргаантай байх шиг байна. Мөн өөрийн харьяалагддаг Нийгмийн бодлогын Байнгын хорооныхонтой ажиллана.