УИХ-ын гишүүн С.Ганбаатар өнгөрсөн пүрэв гаригт Монголын үйлдвэрчний эвлэлийн холбооны ерөнхийлөгчийн үүрэгт ажлаа хүлээлгэн өгч, холбооны хүндэт ерөнхийлөгч болсон.

Тэрбээр 2008 оноос өнөөг хүртэлх хийсэн ажлаа өчигдөр тайлагнаж, дэд ерөнхийлөгч Х.Амгаланбаатарт тамгаа гардууллаа. УИХ-ын гишүүн С.Ганбаатар тус байгууллагын ерөнхийлөгчөөр ажиллаж байхдаа хийсэн ажлаа гурван бүлэгт хуваан танилцуулсан юм.

Нэгдүгээрт: Үнийн хөөрөгдлийг хязгаарлах, цалин тэтгэврийн хэмжээг нэмэгдүүлэх чиглэлээр олон ажил хийсэн. Үүний дотор 2007 онд 173 мянга байсан улсын дундаж цалинг 600 орчим мянга, 40 мянган төгрөг байсан тэтгэвэр, тэтгэмжийн дундаж хэмжээг эдүгээ 222 мянга болгосон нь иргэдийн орлогыг баталгаажуулахад чухал хувь нэмэр үзүүлсэн гэж тэрбээр онцоллоо.

Бензиний үнэ 200 төгрөгөөр өсөхөд Монголын үйлдвэрчний эвлэлийн холбоо тэмцэж 250-300 төгрөгөөр буулгаж чадсан гэхчилэн маш олон үйл ажиллагаа явуулж үр дүнд хүрсэн.

Хоёрдугаарт: Аймаг, дүүрэг бүрт хөдөлмөрийн маргааныг шуурхай зохицуулдаг дэд хороо байгуулжээ.

Энэхүү дэд хороодоор дамжуулан ажлаасаа үндэслэлгүй халагдсан 2700 хүнийг ажилтай болоход нь тусалсан.

Гуравдугаарт: Оюутолгойн гэрээ, Хөдөлмөрийн тухай хуулийн шинэчлэл, Хөдөлм өрийн аюулгүй байдал, эрүүл ахуйн тухай хууль зэрэг өөрчлөх шаардлагатай олон асуудлыг улсын хэмжээнд хөндөн тавьж, тодорхой үр дүнд хүрчээ.

УИХ-ын гишүүн С.Ганбаатар “Зургаан жилийн хугацаанд Монголын үйлдвэрчний эвлэлийн холбоог удирдахдаа манайд хандсан хүмүүсийн 90 хувийнх нь асуудлыг шийдлээ. Гэхдээ энэ зөвхөн миний биш, манай хамт олны ажлын үр дүн. Өргөн хэрэглээний бараа бүтээгдэхүүний үнэ байнга өсөж байхад бид зохицуулахын тулд томоохон тэмцэл хийсэн.

Тодруулбал, Бензиний үнэ 200 төгрөгөөр өсөхөд Монголын үйлдвэрчний эвлэлийн холбоо тэмцэж 250-300 төгрөгөөр буулгаж чадсан гэхчилэн маш олон үйл ажиллагаа явуулж үр дүнд хүрсэн. Цаашид ч олон ажил хийнэ” гэв.

С.Ганбаатар МҮЭХ-ны ерөнхийлөгчийн тамгаа хүлээлгэн өглөө