Төмөрлөг, Машин үйлдвэрлэлийн Үндэсний Холбоо Японы Нийгата хоттой ажил төрлийн холбоо тогтоожээ.

Японы өндөр мэргэжлийн мэргэшсэн инженерүүдийг хоёр ч удаа монголд авчирч, Улаанбаатар, Дархан, Төв аймгийн хар өнгөт метал боловсруулах үйлдвэр, засварын газрууд, газар тариалан, мал аж ахуйн үйлдвэрлэлийн байдалтай танилцуулжээ.

Үүний дүнд Японы тал манай улсын хөгжлийн өнөөгийн онцлог, нөхцөл, үйлдвэрлэлд судалгаа шинжилгээ хийж, харилцан хамтарч ажиллах зөвшилцөлд хүрчээ. Энэ ажлын эхлэл болгож төмөрлөг үйлдвэрлэлийн салбарт ажиллаж буй инженер, оюутнуудыг Япон улсад сургахаар болсон байна. Манай сургалтын систем хоцорч яваа тул хоёрдугаар

Японы Нийгата муж

курсын оюутнууд сүүлийн хоёр жилдээ японд сурах боломжтой ажээ. Харин ажилтан хүмүүч жил хүртэлх хугацаагаар туршлага солилцох байдлаар дадлага хийх гэнэ.

Нийгата мужийн шадар захирагч Мори болон Монгол улсын өргөмжит консул, Нийгата мужийн олон улсын хамтын нийгэмлэгийн гүйцэтгэх захирал Накаями Тэрүяатай уулзаж, тохиролцсон төдийгүй үйлдвэр аж ахуйн газар, Нийгатагийн их сургууль, Нийгата технологийн их сургууль, Нийгата хөдөө аж ахуйн коллеж, Аж үйлдвэрийн судалгааны институт, Цубам Санжё дүүргийн аж үйлдвэрийн дэмжлэг үзүүлэх төв зэрэг газруудад үйлдвэрлэлийн дадлага хийлгэх, залуу багш дадлагажуулах зэрэг асуудлыг 2013 ондоо багтааж эхлүүлэхээр болсон байна.