Долоо хоног бүрийн лхагва гаригт Гадаад харилцааны яаманд болдог уламжлалт нээлттэй ярилцлагын 14 дэх зочин нь Л.Гантөмөр сайд байлаа. Тэрээр “Эрдэм боловсролтой монгол хүн” хөтөлбөрөө танилцуулж, сэтгүүлчдийн асуултад хариуллаа.

Сургалт, боловсролын орчинд авлига, арын хаалга, архидалтыг алга болгоно гэдгийг Боловсрол, шинжлэх ухааны сайд Л.Гантөмөр сэтгүүлчидтэй уулзахдаа мэдэгдээд элсэлтийн шалгалтад цагдаа, тагнуулынхантай хамтарч ажиллаж байгаа гэж хэллээ.

Сургуулийн бага ангид хүүхдийг сурах арга барилд сургах, чадварыг нь хөгжүүлэхэд анхаарна.

Дунд ангид энэ чадварт нь суурилсан мэдлэг олгоно. Ахлах ангид нь авъяас хүсэл сонирхолд тулгуурсан мэргэжлийн чиглэлээ сонгох судлах боломжтой сургалтын төлөвлөгөө, хөтөлбөр хэрэгжүүлнэ. Энэ хүрээнд сургуулийн удирдлага, багш нарыг аргазүйн сургалтад хамруулна. Багш, сургуулийн ажлыг тайлан, бичиг цаасаар биш хүүхдийн хөгжилд анхаарсан, хоцрогдолтой хүүхдийн хоцрогдлыг арилгаснаар нь үнэлнэ гэж сайд хэлээд “Зөв монгол хүүхэд” хөтөлбөрийн хүрээнд “Авъяас”, “Ном”, “Багшийн хөгжил” хөтөлбөрийн эхний үе шат амжилттай хэрэгжиж байгаа гэлээ.

“Зөв монгол хүүхэд” хөтөлбөрийн хүрээнд “Авъяас”, “Ном”, “Багшийн хөгжил” хөтөлбөрийн эхний үе шат амжилттай хэрэгжиж байгаа гэлээ.

Чанартай хичээл, чанартай багш, чанартай дүрэмт хувцас, чанартай үдийн цай гэхчлэн энэ салбарт чанарын шинэчлэл хийхээр төлөвлөж байгаа бөгөөд шинэ хичээлийн жилээс эрчимжүүлнэ.

Багш бэлтгэдэг их, дээд сургуулийн элсэлтийн чанарт бодлогын зохицуулалт хийх шийдвэрийг Засгийн газар өнгөрсөн долоо хоногт гаргасан. Төрийн өмчийн их, дээд сургуульд элсэгч элсэлтийн ерөнхий шалгалтад 650-700 оноо авсан бол сургалтын төлбөрийн 70 хувийг, түүнээс дээш оноо авбал бүрэн чөлөөлнө. Их дээд сургуулийн 100 гаруй багшийг гадаадад, 6000 гаруй багшийг дотооддоо давтан сургалтад хамруулна.

Их, дээд сургуулийн багш, эрдэмтэн судлаачдад шинжилгээ, судалгаа, бүтээлээ олон улсын нэр хүндтэй сэтгүүлд нийтлүүлэхэд урамшуулал олгоно. Их, дээд сургуулиуд зөвхөн сургалтын төлбөрөөр санхүүждэг байж таарахгүй. Төгсөгчдийн хандив, хөрөнгө оруулалт, судалгаа инновацийн бүтээлээсээ санхүүждэг байх боломжийг бүрдүүлэхийн төлөө ажиллаж байна. Ингэснээр сургалтын төлбөр нэмэгдэхгүй байх нөхцөл бүрдэнэ Боловсрол, шинжлэх ухааны сайд Л.Гантөмөр хэллээ.

БШУ-ны сайд Л.Гантөмөр сэтгүүлчидтэй уулзлаа