УИХ-ын Төрийн байгуулалтын байнгын хорооны хуралдаанаар Монгол улсын Ерөнхийлөгчийн сонгуулийн тухай хуулийг хэрэгжүүлэх талаар хийж буй ажлын талаар танилцуулга хийлээ.

Тус байнгын хорооноос Монгол Улсын Ерөнхийлөгчийн сонгуулийн тухай хуулийг хэрэгжүүлэх ажил- тай танилцах Ажлын хэсэг байгуулан ахлагчаар нь УИХ- ын дэд дарга М.Энхболд, гишүүдэд УИХ-ын гишүүн М.Батчимэг, Д.Батцогт нар ажиллаж байгаа.

Ажлын хэсэг энэ оны гуравдугаар сарын 20-нд Улсын бүртгэлийн ерөнхий газар болон Сонгуулийн ерөнхий хороонд ажиллажээ.

Сонгогчийн нэрсийн жагсаалтад 1.902.988 иргэн бүртгэгджээ.

21 аймагт 1531 санал хураах хэсгийн хороо байгуулагдсан ч тоо нь 205-аар зөрж байсныг ажлын хэсгийнхэн илрүүлж зөрчлийг арилгажээ.

Сонгуулийн ерөнхий хорооны хувьд сонгогчийн нэрсийн жагсаалтыг баталж, Улсын бүртгэлийн ерөнхий газарт өгөх ёстой байсан аж. Гэвч хуульд заасан хугацаанд энэ маягтаа баталж гаргаагүй байна.

Тэдцаашид бичиг баримтын зөрчилтэй байгаа иргэдийн асуудлыг шийдвэрлэх, санал тоолох машины програмыг сайжруулах чиглэлээр ажиллах шаардлагатай гэдгийг онцолсон юм.

Ерөнхийлөгчийн сонгуулийн бэлтгэл ажил ерөнхийдөө хангагдаж 1896 хэсгийн хороо буюу санал авах байр бэлэн болоод байгаа аж. Ерөнхийлөгчийн сонгуульд 17.2 тэрбум төгрөг төсөвлөгдсөнөөс 15.8 тэрбум төгрөгийг УИХ-аар баталсан. Одоогоор аймаг, сум, баг руу төсвийн хуваарилалт хийгдээгүй байна.

Мөн хуралдаанаар Үндсэн хуулийн Цэцийн гишүүнд нэр дэвшүүлэх саналын тухай хэлэлцлээ. УИХ-аас санал болгосны дагуу Үндсэн хуулийн Цэцийн гишүүнэЭр томилогдон зургаан жил ажилласан Д.Мөнхгэрэлийн гишүүний бүрэн эрхийн хугацаа энэ оны дөрөвдүгээр сарын 20-ны өдрөөр дуусгавар болж байгаа аж. Иймээс тус байнгын хорооны хуралдаанаар Үндсэн хуулийн Цэцийн гишүүнд нэр дэвшүүлэхээр УИХ-аас санал болгосон Д.Ганзоригийг томилохоор санал хураалт явуулж дэмжлээ.

Санал тоолох автомат машины програмыг сайжруулах хэрэгтэй