Байгаль  орчин, хүнс, хөдөө аж ахуйн байнгын хорооны хуралдаан өнөөдөр боллоо.

Хуралдаанд МУ-ын эдийн засаг нийгмийг 2012 онд хөгжүүлэх үндсэн чиглэлийн биелэлтийн явцыг эдийн засгийн хөгжлийн сайд Н.Батбаяр танилцуулж, Үйлдвэр, хөдөө аж ахуйн сайд Х.Баттулга болон Байгаль орчин, ногоон хөгжлийн сайд С.Оюун нар мэдээлэл хийлээ.

МУ-ын эдийн засаг нийгмийг 2012 онд хөгжүүлэх үндсэн чиглэлийг хэрэгжүүлэх төлөвлөгөөнд тусгагдсан Үйлдвэр, хөдөө аж ахуйн зорилтод арга хэмжээний талаар  Үйлдвэр хөдөө аж ахуйн сайд Х.Баттулга танилцууллаа.

2012 оны жилийн эцсийн байдлаар 17 зорилттай 47 арга хэмжээг хэрэгжүүллээ. Төлөвлөгөөнд тусгагдсан зорилтын гүйцэтгэл 88.1 хувьтай гарсан.

Төлөвлөгөөнд тусгагдсан зорилтын гүйцэтгэл 88.1 хувьтай гарсан.

2012 онд улсын хэмжээнд 475.9 мянган тонн үр тариа хураан авч, жилийн эцсийн хэрэгцээнд буудай, төмсийг 100 хувь, хүнсний ногооны 52.6 хувийг дотоодын ургацаас хангах боломжийг бүрдүүлсэн.

Төлөвлөгөөнд тусгагдсанаар судалгаанд суурьлагдсан төлөвлөлт хийгдээгүй, тоон  мэдээлэл бодит бус, тендер хугацаандаа зарлагдаагүй зэрэг хангалтгүй ажил гарсан хэмээн мэдээлэл хийлээ.  

Энэ үеэр гишүүн Ж.Эрхэмбаяр мах, сүүний хангамжийг хот суурин газарт хүрэлцээтэй байлгах тал дээр ямар бодлого хэрэгжүүлж байгааг тодруулав.

Үүнд Үйлдвэр, хөдөө аж ахуйн сайд Х.Баттулга хариулахдаа:  Хавар төлжилттэй холбоотой нийлүүлэлтээс шалтгаалж махны үнэ өсдөг систем байна. Үүнийг шийдэхийн тул 80 орчим тэрбум төгрөгийн мах нөөцлөн одоогоор нийлүүлэлт хийж байна.

Өдөрт 100 орчим тонн мах борлуулагдаж байгаагын 90 орчим хувь нь нөөцийн мах.  Мах нөөцлөөгүй байсан бол илүү үнэтэй байх байсан. Цаашдаа хот суурин төвлөрсөн газар махны хангамжийг нэмэгдүүлэхийн тулд үхрийн фермийг дэмжих бодлого гаргаж, засгийн газарт танилцуулсан.

Улаанбаатар хотыг тойрсон 300-350 орчим үхэртэй 30-40 фермерийг бий болгохоор Засгийн газарт төслөө танилцуулсан. Сүүний асуудал мөн адил зохицуулагдах юм хэмээн хариуллаа.

Мөн МУ-ын эдийн засаг нийгмийг 2012 онд хөгжүүлэх үндсэн чиглэлийн биелэлтийн талаар Эдийн засгийн хөгжлийн сайд Н.Батбаяр:

МУ-ын эдийн засаг нийгмийг 2012 онд хөгжүүлэх үндсэн чиглэлийн биелэлтийг хууль тогтоомжийн дагуу засгийн газарт өргөн барьж УИХ-ын байнгын хороогоор хэлэлцүүлж байна.

Үндсэн чиглэлийн зорилтын биелэлт 74.3 хувьтай гарсан.

МУ-ын эдийн засаг нийгмийг 2012 онд хөгжүүлэх үндсэн чиглэлийг 2011 оны 7 сард их хурлаар  6 бүлэг 21 зорилт 145 арга хэмжээтэй баталсан. Үндсэн чиглэлийн зорилтын биелэлт 74.3 хувьтай гарсан. Эдийн засгийн гол үзүүлэлтийг авч үзэхэд төлөвсөний дагуу байж чадаагүй. 2012 оны байдлаар ДНБ-ны өсөлт 12.3 хувьтай байлаа.

Тоон үзүүлэлтээр 10 тэрбум долларын бүтээгдэхүүнийг дотооддоо үйлдвэрлэсэн байна.  Инфляцийн түвшин 2012 оны жилийн эцэст 14 хувьтай байгаа нь зорилтод хэмжээнд хүрч чадсангүй.

Мөн 2012 онд төсвийн алдагдал 9 хувьтай гарсан нь сүүлийн хэдэн жил гараагүй тоон үзүүлэлттэй байгаа нь санаа зовоосон асуудал болоод байна. Энэ сонгуулийн жилтэй холбоотой зардалаа нэмэгдүүлж, нөхөх орлогыг уул уурхайн салбараас олно гэж төлөвлөсний хор гэж хэлж болно.

Нөгөө талдаа дэлхийн эдийн засгийн болон бусад хүчин зүйлээс болж экспортын хэмжээ төлөвлөгөөнд хүрч чадаагүйтэй холбон тайлбарлаж болно. Байнгын хорооны эрхлэх асуудалтай холбогдсон нийт 33 арга хэмжээнээс 100 хувийн биелэлттэй 4 арга хэмжээ байгаа гэсэн  үзүүлэлттэй хэмээн мэдээллээ.