Ерөнхийлөгчийн сонгууль хаяанд ирээд буй энэ өдрүүдэд Ерөнхий сайд Н.Алтанхуяг өөрийнхөө бүхий л авьяас чадварыг үзүүлэх шиг болж байгаа гэнэ.

Учир нь тэрбээр өнгөрсөн УИХ-ын сонгуулиар намдаа маш том амжилт авч ирж чадсан гэдгийг намынх нь нөхөд одоог хүртэл ярьсаар л байгаа.

Харин одоо Монгол Улсын Ерөнхийлөгчийг сонгох түүхэн цаг үед намын нөхөд нь Н.Алтанхуяг сайдыг ингэж тодорхойлж байгаа ажээ. Тухайлбал түүнийг нүдээрээ инээсэн зальтай шинжтэй, гэхдээ аливааг зохицуулах нарийн арга ухаантай, улс төрд түүн шиг хүн л хол явдаг.

Угаас социал демократууд аливаа асуудлыг хурцдуулалгүй алтан дунджийг нь олоод явдаг учир ялалт, амжилт тэдэнтэй ойр байдаг гэх хүн ч олширсон сурагтай. Тиймээс Ц.Элбэгдорж ялах нь гарцаагүй гэж үзэж байгаа гэнэ.