Ханхонгор сумын төвд багуудын өдөрлөг болж энэ үеэр Аймгийн ИТХ-ын нарийн бичгийн дарга Д.Мядагсүрэн өөрийн сонгогдсон тойрогтоо ажиллаад ирлээ. Иргэдэд аймаг орон нутагт хийж буй ажлын талаар товч мэдээлэл хийв. Үүнд саяхан болж өнгөрсөн УИХ-ын хоёр гишүүн. аймгийн удирдлагууд болон иргэдийн төлөөллийн дунд болсон Онлайн уулзалтын талаар дэлгэрэнгүй мэдээлэл өгсөн. Жижиг дунд Үйлдвэрлэлийг дэмжих чиглэлээр УИХ-ын гишүүн Ц.Баярсайхан санаачилж аймгийн хэмжээний жижиг дунд үйлдвэрлэл эрхлэгчдийн. зөвлөгөөнийг зохион байгууллаа. Үүний дараа аймаг бүрт таван зуун сая төгрөгийг жижиг дунд үйлдвэрлэлийг дэмжих чиглэлээр хувиарласныг дуулгасан. Мөн нутгийн хишгийг олгох ажил цаашид үргэлжлэнэ. Гэхдээ цагаан сарын үеэр олгоход аймгийн хүн ам хоёр мянга гаруй хүнээр нэмэгдсэн.Үүний улмаас аймгийн ИТХ-аар хэрэгцээнд ИНБайгууллагуудаар Даланзадгад сумын нэг баг дээр мониторинг судалгаа хийлгэж байгаа. Энд маш их зөрчил илэрсэн нь төрийн ажлын уялдаа холбоо муу байгааг харуулсан. Гэсэн ч найман сарын дундуур нутгийн хишгийг олгох төлөвтэй байгааг ярьсан. Аймгийн наадам долоон сарын 9.10-нд болно. Харин наадмын маргааш намар гэдэг болохоор малчид хөдөлмөрчид болон сум, багийн удирдлагууд өвлийн бэлтгэл ажилдаа шамдахыг сануулав. Энэ үеэр Жаргалант багийн хамт олонд удаа дараагийн сонгуульд идэвхтэй оролцож Ардчилалын салхийг хурайлан дуудсан Жаргалант нутгийнханд Ардчилсан намын даргын гарын үсэгтэй өргөмжлөл нэг зуун мянган төгрөгийг тус багийн Засаг дарга Мөнхжаргалд гардуулсан юм.