Бонын хөрөнгийг хэрхэн зарцуулах тухай үндэсний аюулгүй байдлын зөвлөлөөс зөвлөмж гарсан. Харин зарим гишүүд бондын хөрөнгийн зарцуулалтанд сэтгэл дундуур байгаагаа илэрхийлж байна.

Бондын хөрөнгөөс 200 сая доллараар төмөр замын далан босгох, 400 орчим саяар нийслэлийг зургаан аймгийн төвтэй холбох зам барих, 95 сая доллараар ноос ноолуурын салбарыг дэмжих, мөн Mонгол брэнд бий болгох зорилгоор хөдөө аж ахуйн бүтээгдэхүүнийг боловсруулах чиглэд зарцуулахаар шийдсэн.

Удахгүй хаврын чуулган нээлтээ хийнэ. Чуулганаар бондын зарцуулалтын асуудлыг авч хэлэлцэх хэрэгтэй гэсэн саналыг гишүүн Д.Ганбат гаргаж байгаа. Тэрээр бондын мөнгийг зарцуулах чиглэлд шүүмжлэлтэй хандаж байгаагаа илэрхийллээ.

Гишүүн Д.Ганбат:

Засгийн газраас гаргасан бондыг хаврын чуулганаар хэлэлцэх хэрэгтэй. Бонд бол өр үүнийг монгол улс төлнө үнэхэр монгол хүнийг хөгжүүлсэн төсөлд зарцуулагдах ёстой.

Яагаад жил болгон 1000 залуу гадаадад сургаж боловсон хүчнээ бэлдэж болохгүй гэж. Шаардлага хангасан залуучуудыг сургах нь илүү үр дүнтэй. Эргээд залуучууд улс орноо хөгжүүлэх болно. Хэзээ ашгаа өгөх нь мэдэгдэхгүй салбарт оруулж алга болгох юм бол хойч ирээдүйдээ бид өр үлдээнэ хэмээн ярьлаа.

Хариуцлагатай хяналттай байлгах үүднээс ирэх хаврын чуулганаар хэлэлцэх нь зөв гэж гишүүд үзэж байгаа юм.

Д.Ганбат: Бондын хөрөнгөөр боловсон хүчин бэлдэх хэрэгтэй