Дээд тэнгэрээс заяат, дэлхийн түүхэнд мөртэй омог бардам Монгол түмэн, унаж өссөн уугуул Сэлэнгэ нутгийнхаа нийт ард түмэн Та бүхэндээ Тулгар төр байгуулагдсаны 2220 жил, Их Монгол улс байгуулагдсаны 805 жил, Үндэсний эрх чөлөөний хөдөлгөөний 100 жил, Ардын хувьсгалын 90 жил, Сангийн яам байгуулагдсаны 100 жил, Сэлэнгэ аймаг байгуулагдсаны 80 жилийн түүхт ойн мэнд дэвшүүлье.


Нар хур тэгширсэн энэ сайхан өдрүүдэд эрдэнэт хурдан хүлгийн тань уяа сойлго шавхарч, эрч хүчтэй бөхчүүдийн тань эр бяр жагсч, эрхий мэргэн харваачид нь онч мэргэн байж, зүлэг ногоон талдаа дэнж хотойтол, дэлгэр сайхан наадаарай. Монгол түмний минь буян заяа тэгш, хийморь сүлд нь өөдрөг, амжилт бүтээл нь арвин байх болтугай.