Дотооддоо үйлдвэрлэсэн барилгын материалыг ашиглавал орон сууцны үнэ нэг сая-аас хэтрэхгүй байх боломжтой. Хямд чанартай 700 айлын орон сууц Налайх дүүрэгт баригдаж эхлээд байна.

Хотын төвлөрөл төв рүү байгааг Налайх дүүргийн хөгжил харуулдаг. Налайх дүүрэгт  1960 оноос барилгажилт явагдаагүй уурхай, шилний үйлдвэр хаагдсанаас оршин суух иргэдийн тоо буурчээ.

Хотын бодлогын хүрэнд барилгын үйлдвэрлэлийн бүсийг Налайх дүүрэгт бий болгож ажилтай орлоготой болох зорилтыг дэвшүүлсэн. Хөгжил хотын төвд бус зах руу Баянхошуу, Долоон буудалд дэд төвүүд байрлаж үйлчилгээг төрөлжүүлэн захын дүүргүүдийг хөгжүүлэх юм.

Үүний эхлэл Налайх дүүрэгт тавигдаж энэ ондоо 300 айл орон сууцтай болно. Барилгын онцлог нь материалаа 100 хувь дотоодоос нийлүүлж байгаа. Үр дүнд нь орон сууцны үнийг нэг сая төгрөгт барьж байна.

Барилга хот байгуулалтын сайд Ц.Баярсайхан "Цэвэрлэх байгууламжийн асуудлыг налайх нийслэлийг нэг мөсөн хийх хэрэгтэй. Тусад нь хийнэ гэвэл хэдэн жилийн ажил болно. Өмнө нь хуучин цэвэрлэх байгууламжийг хааж, налайх руу татаад туул нэгтэй холбож үзсэн. Холболтыг хийх гол ач холбогдол нь энэ хооронд байгаа хэд хэдэн хотхон, үйлдвэрүүд, мөн туулийн эх учир усны эх үүсвэрийг бохирдлоос хамгаалах ач холбогдолтой хэмээн хэллээ.

Цаашдаа барилгын материалын үйлдвэрлэлийг дотооддоо өргөжүүлэх нь орон сууцны үнийг тогтворжуулах хамгийн дөт алхам гэж үзэж байна.