Эрүүл мэндийн сайд Н.Удвал 275 тоот тушаал гаргаж энэ сарыг “Эрүүл мэндийн ажилтны нийгмийн баталгааг хангах сар” болгон зарлалаа.

Тушаалд тусгасан төлөвлөгөөний дагуу харьяа нутаг дэвсгэрийн болон албан байгууллагынхаа хүрээнд энэ талаар хэрэгжүүлэх ажлын төлөвлөгөө гаргахыг заасан байна.

Уг ажлыг зохион байгуулах, хэрэгжилтийг хянах ажлыг аймаг нийслэлийн эрүүл мэндийн газрууд, төв эмнэлэг болон тусгай мэргэжлийн төвийн дарга болон захирлуудад үүрэг болгожээ. 

Энэ хүрээнд сарын аян зарласан бөгөөд тус салбарынхны нэр хүндийг өсгөх, тэдний ажлын талаар иргэдэд танилцуулах ажлыг хэвлэл мэдээлэл болон бусад салбараар зохион байгуулах түүнчлэн салбарын ажилтны нийгмийн баталгааг сайжруулах, хангах талаар хөдөлмөрийн чуулган зохион байгуулах зэрэг ажлуудыг хийхээр болсон аж.