Эрдэмт хуваргууд буянт олон хүмүүсийн бусдын тусад зориулан босгосон холбоо гурван суварга тэргүүтэн оройн дээд шүтээн 49 гэрэлт суврагыг бүтээжээ. Тиймээс түмэн бурхад чуулсан, хүний буянтай үйлс шингэсэн хамгийн их эрч хүч энергитэй ариун нандин зүйл төгс жаргалант хуримтлагдсан байна.

Уул уурхайн үндэсний ассоциацийн ерөнхийлөгч Д.Дамба: Ихээхэн туслалцаа үзүүлж, шашны талын бүх эд өлгийн зүйл, ном судар, бурхан тахилыг нь бэлдэж өгсөн Я.Аюурзана багшдаа суварга бүтээгчдийнхээ өмнөөс гүн талархал илэрхийлье гэлээ.

Оройн дээд шүтээн суврагуудын аривнай тахилгад оролцсон 1212 хүнд ном хурж гэрэлт зул хөөргөсөн байна. Бусдын тусад зориулагдсан нэгэн ариун дагшин газар, энергийн төв ийнхүү Завхан аймагт байгуулагджээ.