Эрүүл мэндийн сайд Н.Удвалын урилгаар Дэлхийн эрүүл мэндийн байгууллага /ДЭМБ/-ын Ерөнхий захирал хатагтай Маргарет Чан манай улсад албан ёсны айлчлал хийж байна.

Айлчлал наймдугаар сарын 11-ээс буюу өчигдөр эхэлсэн бөгөөд дөрвөн өдөр үргэлжлэх аж.

Хатагтай Маргарет Чан Монгол Улсад анх удаагаа айлчилж байгаа юм. Тэрбээр  айлчлалынхаа хүрээнд УИХ дахь эмэгтэй гишүүдийн бүлэг, УИХ-ын  Нийгмийн бодлого, боловсрол, соёл шинжлэн ухааны байнгын хорооны гишүүдтэй уулзалт хийнэ.

Мөн Эх, хүүхдийн эрүүл мэндийн үндэсний төв болон Улсын гуравдугаар төв эмнэлэг, Төв аймгийн Баянчандмань сумын Эрүүл мэндийн төвд зочлохоор төлөвлөжээ.