Эдийн засгийн хямралаас сэргийлэхийн тулд УИХ-ын ээлжит бус чуулганыг яаралтай хурал­дуулах шаардлагатай байна. Улс орны эдийн зас­гийн нөхцөл байдал сайнгүй байгаатай холбоотой ээлжит бус чуулганыг ойрын хугацаанд зарла­на гэсэн хүлээлт ч бий боллоо.

Үүнтэй холбоотой­гоор УИХ-ын ээлжит бус чуулганыг энэ долоо хоногт зар­лан хуралдаж магадгүй гэх яриа тарсан юм. Мөн УИХ дахь МАН-ын бүлэг ээлжит бус чуулган хурал­дуу­лахыг шаардсан бөгөөд УИХ-ын даргын зөв­лөл ойрын хугацаанд энэ асуудлаар хуралдаж магад­гүй аж.

Ингээд ээлжит бус чуулганыг хуралдуулах талаар УИХ-ын зарим гишүүний саналыг сонслоо.

УИХ-ын гишүүн Д.Батцогт:

-Ээлжит бус чуулганыг хуралдуулахын өм­нө хэлэлцэх асуудлаа тодорхой болгох ёстой. Одоогийн байдлаар ямар асуудал хэлэлцэх гэдэг нь тодорхойгүй байх шиг байна.

Улс орны эдийн засгийн нөхцөл байдал хүнд байгаа энэ үед яаралтай шийдвэрлэх асуудал байвал ээлжит бус чуулганыг зарлахад асуудалгүй.

Хэлэлцэх асуудлаа тодорхой болгочихвол УИХ-ын гишүүд ч цааргалахгүй байх гэж бодож байна.