Хүүхдийн хөдөлмөрийн эсрэг үндэсний сүлжээнээс энэ сарын 15-17-ны хооронд “Хөгжлийн хэлхээ” төвийн өсвөр насны хүүхдүүдийн дунд эмнэлгийн анхны тусламжийн сургалтыг зохион байгууллаа.

Тус сургалт гурван өдөр үргэлжилсэн бөгөөд сургалтыг сайн дурын багийхан удирдан явуулав. Хүүхдүүдийн чөлөөт цагаар сургалт зохион байгуулсан нь тэдэнд гэмтлийн үед анхны тусламжийг хэрхэн үзүүлэх талаар тодорхой мэдлэг олгосон үр дүнтэй арга хэмжээ болж өнгөрлөө.

Хүүхдүүдийг гэрчилгээ болон анхан шатны тусламжийн материалаар урамшуулав.

Сургалтаар толгой, гар, хөлөө гэмтээх, хахах үед анхны тусламжийг хэрхэн үзүүлэх зэргийг зааж практик дээр үзүүлсэн нь хүүхдүүдийн сонирхлыг ихэд татаж байлаа. Сургалтад нийт 15 хүүхэд, багш нарын хамт хамрагдсан юм.

Уг сургалт нь хүүхдүүдэд чухал ач холбогдолтой бөгөөд цаашид бусад хүүхдүүдэд зааж сургах, мөн төр засаг маань анхааралдаа авч нэвтрүүлэх зайлшгүй шаардлагатай болохыг олж харсанаа тус төвийн тэргүүн А.Долгор гуай ярьж байв.

Түүнчлэн сургалтад оролцсон хүүхдүүдийг гэрчилгээ болон анхан шатны тусламжийн материалаар урамшуулсан юм.

Анхны тусламжийн сургалт зохион байгууллаа