Одоогоос жилийн өмнө хичээлээ тараад харьж явсан Б.Есүгэн охины дээрээс барилгын кран унаж, амь насыг нь хохироосон харамсалтай хэрэг гарсан. Энэ охины эндсэн өдрийг Монгол Улсын Ерөнхийлөгч "Есүгэн охины өдөр" болгох санал гаргаад байгаа.

Хүүхдийн эрхийн талаар УИХ-ын гишүүн, Хүний эрхийн дэд хорооны дарга Д.Ганбатаас тодрууллаа.

-12 настай охин хичээлээ тараад нийтийн эзэмшлийн гудамж талбайд явж байхад нь барилгын кран дээрээс нь унаж амь насаа алдсан харамсалтай явдал болсон.

Уг нь Мэргэжлийн хяналтаас эхлүүлээд барилгын аюулгүй байдалд анхаардаг маш олон байгууллага байдаг. Харамсалтай нь тэд ийм зүйл дээр ажиллаж чадахгүй байна. Бусад улс орнуудад энэ чиглэлийн хууль баталсан байдаг юм билээ.

-Та Хүний эрхийн дэд хорооны даргаар ажилладаг. Хүүхдийн эрхийн асуудалд хэрхэн анхаарч ажиллаж байна вэ?

-Хүүхдийн эрүүл, аюулгүй амьдрах боломж манайд маш хангалтгүй байна. Гэр бүлийн хүчирхийлэл газар авсан. Үүний зэрэгцээ хүүхдээ өсгөж чадахгүй гээд зарим эцэг, эх гудамжинд хаях болж. Монголчууд зунжин нааддаг.

Хүүхдийн эрүүл, аюулгүй амьдрах боломж манайд маш хангалтгүй байна.

Наадам бүрт морины уралдаан болж, олон хүүхэд бэртэж гэмтэж байна. Энэ маш буруу. Ийм зарчмаар явж болохгүй. Үүнийг халах цаг болсон. Нөгөөтэйгүүр хүүхдийн эрхийн төлөө зарим өөрчлөлтүүд гарч байна.

Хүүхдээ заазуурдсан аав долоон жилийн ял авлаа. Ерөнхийлөгч есдүгээр сарын 1-нд "Хуулийн засаглал, хүүхдийн оролцоо" сэдэвт хичээл заав. Эмэгтэй гишүүд хүүхдийн эрхийн талаар хууль боловсруулж байгаа юм билээ. Би энэ бүхнийг дэмжиж ажиллана.