С.Ганбаатар тэргүүтэй нэр бүхий гишүүд Оюутолгой орд газар үүсээд байгаа дахин санхүүжилтийн асуудлаар мэдээлэл хийсэн байна. Засгийн газар Рио Тинто-гийн аманд багтаж Монголыг өрөнд оруулахгүй байхыг хатуу анхааруулсан юм.

Оюутолгойн орд газрын анхны хөрөнгө оруулалт шалтгаангүйгээр нэмэгдсэн далд уурхай зогссон асуудал нь тогтвортой байдлын гэрээг ноцтой зөрчиж Монголын ард түмэнд ашиггүй байх шаардлагыг хөрөнгө оруулагч талаас тавьж байгаа гишүүн С.Ганбаатар шүүмжилж байна.

Ер нь Оюутолгойд үүсээд байгаа нөхцөл байдлыг шийдвэрлэхдээ гэрээний дагуу харилцан ашигтай байх ёстой. Гэвч одоо ээлжит бус чуулганаар хэлэлцэж байгаа зарим хуулийн төслүүд зөвхөн Оюутолгойд зориулагдсан гэх хардлага бий. Дээр нь Оюутолгойн гүний уурхайн нэмэлт санхүүжилтийг шийдвэрлэхийн тулд Монгол улсыг өрөнд унагаж ноогдол ашиг авах хугацааг хойшлуулж байгаа нь луйврын гэрээ гэсэн байр суурьтай байна.

Тиймээс Оюутолгойн асуудлаар нээлттэй эл тод бодлого явуулж санхүүжилтийн асуудлыг хэрхэн шийдэж байгааг тайлбарлах ёстойг гишүүд анхааруулсан.

Рио Тинто компани

Мөн урт нэртэй хуулийг өөрчлөх асуудлаар С.Ганбаатар гишүүн “Алтны хуульд 100 хувь эсрэг байгаа. энэ бол үндсэндээ Рио Тинто-той Оюутолгойн гэрээг хийж байхдаа Монголчууд уул уурхайн тал дээр татварын хуулиа хөлдөөчихсөн.

Өнөөдөр уул уурхайн татварт сайн үр дүн гарах юм бол энэ бүгдийг Рио Тинто эдэлнэ. Тэдэнтэй зөвшилцөхгүй татварын хуульд өөрчлөлт оруулах боломжгүй болсон. Тэгэхээр алтны тухай хуулийг лобины хууль гэж үзэж байгаа. Үүний үр дүнд хоёр тэрбум гаран долларыг монголын ард түмэн Рио Тинтод бэлэглэнэ. Бид арай ч тийм баян болоогүй байна одоохондоо” хэмээн хэллээ.

С.Ганбаатар: Рио Тинто-той зөвшилцөхгүй татварын хуульд өөрчлөлт оруулах боломжгүй болсон