Нийслэлд барьж буй орон сууцны цөөнгүй хувь нь зөвшөөрөлгүй байдгаас Засаг дарга Э.Бат-Үүл өнгөрсөн сард захирамж гарган, зөрчлөө арилгах хугацаат үүрэг өгсөн. Нийт 75 барилга байгаагаас энэ сарын 1-ний дотор 15 нь хуулийн дагуу техникийн нөхцөлөө авсан байна.

Харин үлдсэн барилгууд захирамжийг биелүүлээгүй учир цаашид ус, дулаан, цахилгаанаар хангахгүй гэдгээ хотын удирдлагууд мэдэгдлээ. Тодруулбал, Баянгол дүүргийн 11 дүгээр хороонд барьж буй “Өлзийт интер трейд” ХХК-ийн 72 айлын орон сууцны барилга,

75 барилга байгаагаас энэ сарын 1-ний дотор 15 нь хуулийн дагуу техникийн нөхцөлөө авчээ.

55 айлын орон сууцны хоёр блок барилга, мөн дүүргийн гуравдугаар хороо, ‘Уран ган” ХХК-ийн урд баригдаж буй “Даландаваа” ХХК-ийн үйлчилгээний зориулалттай барилга, гуравдугаар эмнэлгийн баруун талд барьж буй “МҮДИ” ХХК-ийн орон сууц,

Сонгинохайрхан дүүргийн 27 дугаар хороо, 47 дугаар байрны хажууд буй “Өгөөмөр цэрэн” ХХК-ийн барилга, Баянзүрх дүүргийн 16 дугаар хороо, ШШГЕГ-ын 180 айлын орон сууцны барилгаас гадна иргэдийн бариулж буй цөөнгүй барилга багтжээ.

Ус, дулаан, цахилгаанаар хангах боломжгүй барилгуудад иргэд орон сууцны урьдчилгаа мөнгө өгөх, банк санхүүгийн байгууллагаас зээл авч хохирох магадлалтай тул анхаарахыг сануулж байна.