УИХ-ын сонгуульд бие даан нэр дэвшиж, сонгогдсон гишүүд “Бие даагчдын зөвлөл” байгуулаад буй.

Тэд УИХ дахь намын бүлгүүдтэй адил долоо хоног бүрийн даваа гаригт нэгдсэн болон байнгын хорооны хуралдаанаар хэлэлцэх асуудлын талаар байр сууриа илэрхийлж байгаа.

Ард түмэнд нэн тэргүүнд шаардлагатай зүйл бол эрүүл мэндийн асуудал.

УИХ-ын гишүүн С.Ганбаатар төсвийн тодотгол болон ирэх оны төсвийн төслийг хэлэлцэж байгаатай холбоотойгоор “Ирэх оны төсвийн хөрөнгө оруулалтын зардал өмнөх онтой харьцуулахад 300 тэрбум төгрөгөөр буурсан.

Үүнд хяналт тавьж, хэрхэн үр дүнтэй зарцуулах вэ гэдэгт “Бие даагчдын зөвлөл” анхаарал хандуулна. Ард түмэнд нэн тэргүүнд шаардлагатай зүйл бол эрүүл мэндийн асуудал.

Тиймээс тэтгэврийнхэн, эрүүл мэнд болон боловсролын салбарынхны ажилчдын цалин хөлсийг нэмэгдүүлэх зарчим баримтална” гэж байлаа. Мөн тэд “Монгол хүний үнэ цэнэ” уриалга гаргаснаа дуулгасан юм.