Ийгл телевизийн “Халуун сэдэв” тоймчийн хөтөлбөрөөр УИХ-ын гишүүн, УИХ дахь МАН-ын бүлгийн дэд дарга С.Бямбацогтын байр суурийг онцолж байна.

Тоймч: Ирэх ням гаригт болох МАН-ын 27 дугаар их хурлын бэлтгэл хангагдсан гэсэн мэдээллийг өгч байна. Намын гал тогтоог барьдаг гол хүн бол Ерөнхий нарийн бичгийн дарга байдаг. Энэ үүднээс Ерөнхий нарийн бичгийн даргын сонгон шалгаруулалт өрсөлдөөнийг шударга явуулах уу.

Тухайн хүн өөрөө нийтэд хүлээн зөвшөөрөгдсөн нэр цэвэр хүн байж чадах уу гэсэн шалгуур өндрөөр тавигдах нь мэдээж. Ажлын туршлага, мэдлэг, боловсрол, сөрөг хүчний дуу хоолойг ил тод илэрхийлэх чадвар зэрэг нь МАН-ын генсекийг тодруулах гол шалгуур болох нь мэдээж.

Намын нарийн бичгийн шалгаруулалтын талаар УИХ дахь МАН-ын бүлгийн дэд дарга юу гэж хэлснийг хүргэе.

УИХ дахь МАН-ын бүлгийн дэд дарга С.Бямбацогт:

Ний нуугүй хэлэхэд, 2016 оны сонгуульд намаа ялуулах уу гэдэг эрх ашгаа бодож генсекийнхээ асуудалд хандаасай. Бусдаар энэ асуудалд манай зарим нэг лидерүүд намдаа яаж байр сууриа алдахгүй байх вэ гэдэг байдлаар хандвал буруу сонголт болно.

Хал үзэж, халуун чулуу долоосон, хашир туршлагатай хүн л хийх ёстой.

Тэгэхээр бид эхлээд өөрийгөө бодох биш, монголын хамгийн том, ууган улс төрийн хүчнийг удирдаж, гал тогоог нь барьж, дотоод ажлыг нь зохион байгуулж явах хүн маань нилээд туршлагатай, мэдлэг чадвартай хүн байх ёстой.

Энэ бол хэр баргийн хүний хийх ажил биш. Үүнийг хал үзэж, халуун чулуу долоосон, хашир туршлагатай хүн л хийх ёстой байх гэлээ.

Намын нарийн бичиг олон талын шаардлагыг хангасан хүн байх ёстой