Монгол Улсад Авто замын салбар үүсч хөгжсөний 84 жилийн ойг тохиолдуулан Авто замын салбарыг хөгжүүлэхэд үнэтэй хувь нэмэр оруулсан нийт ахмадууд, үе үеийн удирдлагууд, инженер техникийн ажилтан албан хаагчид, замчид та бүхэндээ болон гэр бүлийнхэнд тань ажлын өндөр амжилт, аз жаргал, эрүүл энх, сайн сайхан бүхнийг хүсэн ерөөе!

Та бүхнийг алтан шар замын хишиг буян ашид мөнх ивээж ажил үйлс нь өөдрөг байх болтугай.

Авто замын сүлжээний хөгжил өнөөгийн түвшинд хүрэхэд та бүхний нэгэн үзүүрт сэтгэлээр мэдпэг чадвар, идэвхи зүтгэлээ зориулан ажиллаж ирсний хувь нэмэр, гавьяа зүтгэл их билээ Монгол Улсын эдийн засаг, нийгмийн хөгжлийг түргэтгэх, хөдөөгийн хөгжлийг сайжруулахаар Шинэчлэлийн Засгийн газраас дэвшүүлсэн Их бүтээн байгуулалтын том зорилго бидний өмнө тавигдаж замын салбарын хөрөнгө оруулалт нэмэгдэн, барилга угсралтын ажлыг богино хугацаанд чанартай хийж гүйцэтгэх шаардлага тулгарч авто замчид та бидний үүрэг хариуцлага нэмэгдэж байна.

Авто замын салбар үүсэн байгуулагдсаны 84 жилийн түүхт баяраа тэмдэглэн өнгөрүүлж байгаа энэ өдөр тавьсан зорилго, эрхэлсэн ажлаа нэр төртэй биелүүлж, хичээл зүтгэл гарган ажиллаж байгаа нийт замчдадаа Монголын Авто Замчдын Холбооны нэрийн өмнөөс болон хувиасаа баярын мэнд хүргэе.

Монгол эх орныхоо их бүтээн байгуулалт, ирээдүйн хөгжил, цэцэглэлтийн үндсийг тавих хөгжилд хөтлөгч замчид та бүхэндээ эрүүл энх, урт удаан сайхан амьдрахыг хүсэн ерөее.

Та бүхнийг алтан шар замын хишиг буян ашид мөнх ивээж ажил үйлс нь өөдрөг байх болтугай.

МОНГОЛЫН АВТО ЗАМЧДЫН ХОЛБООНЫ ТЭРГҮҮН Т.БЯМБАА

Мэндчилгээ