Шинэчлэл ярьж байгаа МАН-ын 27-р их хурлаас гишүүд их зүйлийг хүлээж байна.

Намын дарга хэн болохоос шалтгаалж тус намын шинэчлэл яаж өрнөх нь тодорхой харагдана. 1121 гишүүнтэй их хурал болж байгаагаар онцлогтой. МАН-ын хувьд бүлэглэл болж талцахаас илүүтэй бүхэл болж нэгдэх түүхэн цаг хугацаа ирсэн. Намын даргад хариуцлагыг үүрүүлдэг томхон бүтэц багатай байх талаар Намын удирдлагын илтгэлд тусжээ.

МАН-ын нарийн бичгийн дарга Ж.Сүхбаатар “Энэ удаагийн намын 27-р их хурал нэр үзэл баримтлалтай ноцолдохгүй. Бид ийм асуудлаар цаг гарздахгүй хамгийн гол нь бодлого үйл ажиллагааны идэвхжилтийн талаар нам юуг гаргаж, мөрдөх талаар ярина. Бид монгол улсын үндэсний хөгжлийг түргэтгэх зорилгоор бодлогын баримт бичиг ямар байх талаар ярилцана. МАН-ын нам зөвхөн өөрсдийн асуудлаа ярьдаг биш. Улс орны хөгжлийн асуудалд өөрийн бодлогын хувилбараа гаргаж тавих ёстой” хэмээн ярилаа.