“Усны нөөцийн зохистой ашиглалт” сэдэвт зөвлөлдөх уулзалтын зохион байгуулагчид эрхэм та бүхэнд:

Налайх дүүргийн ард иргэдийн  хүсэлтийн тухай

2013.10.25                                                                                                                                                                                                                                                                          

Усны нөөцийг зөв зохистой ашиглах тухайд иргэнлиг санаа тавьж мэргэжлийн өндөр түвшинд санал бодлоо ярилцаж байгаа зөвлөлгөөнд оролцогч та бүхэнд  юуны өмнө амжилт хүсье. Энэхүү зөвлөлгөөний үр дүнд Монгол түмэн эрүүл аюулгүй нөхцөлд амьдрах таатай алхамд улам ойртоно гэдэгт итгэж байна. Ингээд  бид саналаа дэвшүүлье.

1. Налайхад цэвэр(бохир) усны байгууламж хангалтгүй үүний уршгаар тус дүүргийн бохир ус Туул голд орж эхэллээ. Дани улсын тусламжаар Налайхад ус цэвэрлэх байгууламжийн барилгын ажлын шав тавигдсан гэвч энэ чухал ажил зогсонги байгаа нь тун харамсалтай байна. Үүнд анхаарч тусална уу.
2. Налайхын 9000 өрх айлд цэвэр усны зориулалтын савтай (дашмагтай) айл ганц ч алга. Хятадын зориулалтын бус хөх, бор, улаан хуванцар саванд ундны усаа хийдэг. Энэ нь усны хадгалалтанд дундас үүсгэдэг нь Монголчуудыг элэг, цөс, дотрын өвчнөөс салахгүйн аюулд оруулж байна. Иймээс ундны ус агуулдаг Дашмагны стандарттай болгох асуудлыг БОНХЯ эхлэн санаачилж өгнө үү.
3. Горхи Тэрэлжийн нутагт амьдардаг Налайхын ирэд газарзүй, УИХ-ын шийдвэрээр 262,5 га газрыг ард иргэддээ эзэмшүүлэх энэ асуудал чухал хаана гацаад байгааг та бүхэн шалгаж бидэнд хариулт өгнө үү. Мөн Горхи Тэрэлжийн ой модонд хөлөөр хөглөрсөн асар их хожуул, дархи мөчир хорхойд идүүлж дууслаа. Ойг цэвэрлэж унасан модыг нь ашиглах боломжийг нээж ойг төлжүүлэх цаг ирэх үү? Ер  нь ойн цэвэрлэгээг хийж болдоггүй нь ой модоо устгах аюултай бусуу.
4. Налайхын 1 тэвш нүүрс 10 машин нүүрстэй тэнцдэг. Энэ нь Богд уулын модыг бүхэлд нь хамгаалж байгаа Байгаль хамгааллын ажил юм. Иймээс Налайхын уурхайчдыг дэмжиж тус дүүргийг Туул голын эх ундрагыг хамгаалах эко-харуулын ажилд даачилж хамтран ажиллахыг хүсье.
5. Туул голын эхийг Налайхаас хаг Туулын бэлчир хүртэл хамгаалах хамгаалалтын тусгай албыг Налайхад төвлөрүүлж Туул голыг хамгаалах. Улаанбаатараас Налайхыг усаар хангадаг ийм үрэлгэн явдалыг зогсоож Туул голоос Налайхад ус татах асуудлыг шийдвэрлэж өгнө үү. Энэ талаар Чандмань-Налайх НӨҮГ-ын төлөвлөгөөг та бүхэнд хүргүүлье.

Дээрх 5 цогц асуудлыг тун ойрын үед анхаарч үзэхгүй бол Нийслэлийн хүн амын цэвэр ус Туул голыг хамгаалах ажилд аюул нүүрлэж болзошгүй байна. Энэхүү ил захидлыг БОНХЯ-ны бодлогын хэрэгжилтийг зохицуулах газарт давхар танилцуулна.

Налайх дүүргийн ИТХ-ын дарга А.Ганболд