УИХ-ын чуулганаар 2014 оны улсын Төсвийн төслийн хоёр дахь хэлэлцүүлгийг хийж байна.

УИХ-ын гишүүдийн тойрогт ажиллах нийт зардлыг дөрвөн тэрбум 320 сая төгрөгөөр нэмэхийг дэмжлээ. Мөн шүүгчдийн цалинг нийт 15 тэрбум 803.6 тэрбум төгрөгөөр нэмэх, мэргэжил сургалт, үйлдвэрлэлийн төвд суралцагчдыг их, дээд сургуулийн оюутнуудын адил нийтийн тээврээр хөнгөлөлттэй зорчдог болгох саналыг хэлэлцэж, дэмжлээ. Хөнгөлөлттэй зорчоод улсын төсвөөс нийт 3,7 тэрбум төгрөгийг Хөдөлмөрийн сайдын багцад нэмж тусгахаар болж байна.

УИХ-ын гишүүн, Эдийн засгийн байнгын хорооны гишүүн Б.Гарамгайбаатар “УИХ-ын гишүүдийн тойрогтоо зарцуулах мөнгөн хөрөнгийг нэмэхээр боллоо.Үнэхээр харамсч байна. Энэ бол эмгэнэлтэй асуудал. Энэ төсвийг харж байхад үнэхээр хэрэггүй зардлаа хасаад, тэвчиж болох зардлыг танаж байна гэж бодож байтал тэгсэнгүй.

Төсвийг харж байхад үнэхээр инээдтэй зүйлүүд мөн багтаж байна.

Одоо төсвийг харж байхад үнэхээр инээдтэй зүйлүүд мөн багтаж байна. Эцэст нь хэлэхэд дагаж гүйж далдганасан гишүүд тойрогтоо юмаа хуваарилуулж чаддаг юм байна.

Үнэхээр улс орныхоо төлөө юм хийж байгаа хүмүүс нь зардалдаа юмаа тусгуулж чаддаггүй юм байна. Ирэх жилээс сайн бодох хэрэгтэй юм байна” хэмээн шүүмжиллээ.

Б.Гарамгайбаатар: УИХ-ын гишүүдийн зардлыг нэмж байгаа нь эмгэнэлтэй асуудал