Сангийн яам шүүхийн ерөнхий зөвлөлөөс өргөн мэдүүлсэн төсөвт таналт хийсэн явдалд УИХ-ын гишүүд таагүй байр суурьтай байна. Шаардлагагүй төрийн албан хаагчдыг цөөлөх замаар шүүгчдийн цалинг нэмэх боломжтой гэж үзэж байгаа юм.

Монгол Улсын Их Хурлын Гишүүн Д.Ганбат:

Шүүгчид маань өндөр цалинтай байж шүүгчийнхээ ёс зүйг барих боломжтой болох хэрэгтэй гэсэн шаардлага урган гарч байна.

Дэлхийн хөгжингүй орнуудын жишгээр явж эхэлж байна. Тэр утгаар нь л ойлгох хэрэгтэй. Тэрнээс биш ганцхан шүүгч нар өндөр цалин авч байна гэсэн шүүмжлэл гадуур явагдаж байна.

Монгол Улсын Их Хурлын Гишүүн Д.Зоригт:

Ардчилсан намын бүлгийн зүгээс бид шүүгч нарын хараат бус ажиллах эрх зүйн эдийн засгийн баталгааг гаргаж өгөх ёстой гэж үзэж байна. Энэ нь зөвхөн цалин урамшуулал бус ажиллах орчин нөхцөл бас хамаарна.

Төсвийг батлах асуудал дээр гишүүд хоёрдмол байр суурьтай байгаа. Яагаад гэвэл санхүүгийн боломжтойгоо уяалдуулах ёстой. Магадгүй үүнийг үе шаттайгаар хийж болох юм. Ирэх жилийн төсөвт нэг хэсгийг, тэрний дараагийн төсөвт бас нэг хэсэг гэх мэтчилэн тодорхой хэмжээгээр нэмэгдүүэх боломжтой.