Төрийн байгууллагад ажиллаад тэтгэвэрт гарсан иргэн ажилласан жил, мэргэжлээсээ шалтгаалж доод тал нь 36 сартай тэнцэхүйц мөнгөн тэтгэмжийг нэг удаа авдаг. Харин хувийн байгууллагад ажиллаад тэтгэвэрт гарсан иргэнд энэ мөнгө олддоггүй.

Хуулиндаа нийгмийн даатгалаа төлсөн л бол тэтгэвэрт гарахад хувийн, төрийн гэх ялгаа байдаггүй байна. Гэтэл нийгмийн халамжийн нэг удаагийн мөнгөн тэтгэмжийг хувийн хэвшилд насаараа ажилласан иргэд хүртэж чадахгүй байгаа юм.

Хуулиндаа нийгмийн даатгалаа төлсөн л бол тэтгэвэрт гарахад хувийн, төрийн гэх ялгаа байдаггүй.

МҮЭХ-ны ерөнхийлөгч Х.Амгаланбаатар: Үүнээс гадна нийгмийн хамгааллын арга хэмжээний хувьд харилцан адилгүй халамжийн үйлчилгээ авдаг байдал харагддаг. Тухайлбал, төрийн байгууллагад ажиллаж байгаад тэтгэвэрт гарсан ахмадууд нилээн олон сарын тэтгэмж аваад тэтгэвэрт гардаг.

Хувийн хэвшлийн зарим байгууллагад нэг сарынхаа тэтгэмжийг арай ядан аваад тэтгэвэрт гардаг. Энэ асуудал дээр тэтгэвэрт гарч буй ахмад гэдэг өнцгөөс нь харж нийгмийн хамгааллыг адилхан болгох шаардлагатай гэв.

Мөн 13 дахь сарын цалинг хувийн хэвшлийнхэн хүртэж чадахгүй байгаа нь компаниудын удирдлагуудтай шууд холбоотой асуудал гэлээ. Энэ асуудлыг хуульд тусгайлан заах ёстой гэж МҮЭ үзэж байна.

Төр, хувийн хэвшил гэж ялгах ёсгүй