Ерөнхий сайдын долоо хоног бүр сэтгүүлчидтэй хийдэг 30 минут уулзалт өчигдөр боллоо. Ерөнхий сайд мэдээллийнхээ эхэнд Засгийн газартай холбоотой ташаа мэдээлэл гарч байгааг үгүйсгэв. “Хүүхдийн мөнгийг өгөхгүй, орон сууцны найман хувийн зээл хэрэгжихгүй гэдэг мэдээлэл гарч байна.

Энэ бол үндэслэлгүй мэдээлэл. Огт тийм зүйл байхгүй” гэлээ. Мөн “Урантай холбоотой гүтгэлгийн асуудал гарч байгаа. Тийм зүйл байхгүй. Түүнчлэн Японоос цөмийн хаягдал оруулж ирнэ гэдэг асуудал худлаа мэдээлэл.

Мөн 17 төрлийн татвар иргэдээс авахгүй гэсэн” хэмээв. Ташаа мэдээлэл цацагдаж байгааг залруулж, анхааруулга гаргаснаа мэдэгдлээ. Тэрбээр Засгийн газар олон зүйлд тэвчээртэй ханддаг. Энэ мэдээллийн ард ямар хүн байгааг ил гаргаж хариуцлага тооцно хэмээн их л нухацтай хэлээд авна лээ.

Уулзалтын үеэр сэтгүүлчид цаг үеийн асуудлаар Ерөнхий сайдаас асуулт асууж, хариулт авсан юм.

-УИХ-ын гишүүн Р.Амаржаргал гишүүн бүрэн эрхээсээ татгалзаж өргөдлөө өгсөн. Намын даргын хувьд та байр сууриа илэрхийлэхгүй юу?

-УИХ-ын даргад гишүүнээсээ татгалзах өргөдлөө өгсөн байна лээ. Энэ асуудлаар Р.Амаржаргал гишүүн надтай уулзаагүй. Амаржаргал гишүүн яагаад өргөдлөө өгснийг өөрөөс нь асуу.

-Р.Амаржаргал гишүүн ҮЗХ-ны гишүүнээсээ мөн татгалзсан юм билээ?

-ҮЗХ-ны гишүүнээс татгалзах өргөдлийг би мэдэхгүй. ҮЗХ-ны гишүүнээр сонгосон аймаг, дүүргийн ҮЗХ нь шийднэ.

-Хэрэв УИХ гишүүний хүсэлтийг хүлээн авбал нөхөн сон- гууль явуулах нөхцөл байдал үүсэхээр байгаа. Таныг энэ асуудлаар байр сууриа илэрхийлэх сонирхолгүй байна гэж ойлгож болох уу?

-Өөрсдийнхөөрөө ойлго.

-Нийслэлийн иргэд татвар төлдөг болно гээд байгаа. Хэрэв тийм бол ямар хэмжээний татварыг хэрхэн.төлөх вэ?

-Татвар нэмэгдүүлэхгүй. Нийслэл өөрөө нийслэлд оршин сууж буй асуудлаар тодорхой төрлийн татварыг бий болгоно гэдэг санал гаргасан байна лээ. Засгийн газар үүнийг нь дэмжээгүй.

-УИХ-ын нэр бүхий гишүүд Оюутолгойн гэрээнд өөрчлөлт оруулах хүсэлт тавьсан. Үүнд яагаад тайлбар хийхгүй байна вэ?

-“Рио Тинто” болон Монголын Засгийн газрын хооронд 30 гаруй асуудал үүсээд байсан. Үүнээс 15- ыг нь шийдээд байгаа. Гэхдээ харилцан тохиролцож байгаагийн үндсэн дээр асуудлыг шийдэж байна.

Түүнээс Монголын талд ашигтай шийдсэн нэг асуудал бол Оюутолгойд байсан нөөцийг нэмэгдүүлж чадсан. Өөр компанийн нэр дээр байсан лицөнзийг нь авах асуудал байгаа. Асуудлыг алхам алхмаар шийдээд явж байгаа. Том гэрээнд хийгдэх өөрчлөлтийг УИХ шийднэ.

-Үнэ тогтворжуулах хөтөлбөрийн үр дүн ямар байгаа вэ?

Их, дээд сургуулийн төлбөр 14 хувиар нэмэгдсэн.

-Үнэ тогтворжуулах хөтөлбөрийн үр дүн тодорхой хэмжээгээр гарсан. Жилээр нь авч үзэхэд инфляци 16 хувьтай байгаа. Харин 10 сарын байдлаар бол 10 хувьтай байна.

Бид үүнд нэг алдаа хийсэн байгаа. Алдаагаа хүлээн зөвшөөрч байна. Их, дээд сургуулийн төлбөр 14 хувиар нэмэгдсэн. Энэ их нөлөөлсөн. Цаашид энэ тал дээр анхаарч ажиллана.

-МАН Засгийн газартай хамтарч ажиллана гэсэн мэдээлэл гараад байна. Энэ бодит мэдээлэл мөн үү?

-М.Энхболдыг намын дарга болсных нь дараа баяр хүргэж 'хүлээн авч уулзсан. УИХ дээр хэлэлцэгдэж байгаа төсөвтэй холбоотой асуудлаар санал солилцсон. Засагт хамтарч ажиллах санал яригдаагүй.

-Ирэх онд төрийн албан хаагчдын цалин нэмэгдэхээр боллоо. Харин хувийн хэвшлийнхний цалинг хэрхэн нэмэгдүүлэх вэ?

-Төрийн албан хаагчдын цалинг дагаад тодорхой хэмжээгээр нэмэгдэх байх.

Н.Алтанхуяг: Амаржаргал гишүүн яагаад өргөдлөө өгснийг өөрөөс нь асуу