12 сарын 5-нд болох Олон улсын сайн дурынхны өдрийг угтан Монголын Сайн Дурынхны байгууллагууд хамтран олон ажил санаачлан хэрэгжүүлж байна. Жил бүр уламжлал ёсоор нийгэм дэх сайн дурынхны үнэлэмжийг өсгөх, сайн дурынхнан нийгмийн хөгжилд оруулж буй хувь нэмрийг олон нийтэд таниулах зорилгоор сайн дурын байгууллагууд бүтэн жилийн турш хийсэн ажлуудаа олон нийтэд нэгтгэн танилцуулж, сайн дурынхны хүчийг улс нийгэмд тулгамдаж буй асуудлуудыг шийдвэрлэхэд чиглүүлэн дайчлах, дэмжихэд анхаарлыг татах кампанит ажил болгон өрнүүлдэг.

11 сарын 19-ны өдөр “Монголын сайн дурын үйл ажиллагааны хандлага, хөгжил” сэдэвт САЙН ДУРЫНХНЫ ФОРУМЫГ зохион байгуулахаар бэлтгэж байна. Форумд Монгол улсын гавъяат багш Ц.Түвшинтөгс “Монголчуудын сайн дурын үйл ажиллагааны хандлага, хөгжил” сэдэвт илтгэл тавьж, түүний дараагаар 5 чиглэлээр хэлэлцүүлэг хийгдэнэ.

Уг форумд Сайн дурынхны байгууллагуудын гишүүн байгууллагууд, хамтран ажилладаг байгууллагуудын сайн дурынхан оролцохын зэрэгцээ оролцох хүсэлтэй сайн дурынхан, залуучуудыг мөн бүртгэж байна. Бүртгэл 2013 оны 11 сарын 18-ны 18:00 цаг хүртэл үргэлжлэх ба tuul2008@yahoo.com хаягаар бүртгүүлнэ. Холбоо барих утас:99125953