Спорт нь хүүхдийг зөвхөн эрүүл чийрэг байлгахад нөлөөлдөг бус, сэтгэхүйн хувьд ч тэвчээр хатуужилтай, ухаалаг болгодог гэдэг. Харин эцэг эхчүүд үүнд тэр бүр ач холбогдол өгдөггүй.

Нээлтийн үйл ажиллагааг уламжлалт ёсоор "Төрийн дуулал"- аар эхлүүллээ.

Эрүүл мэндийн асуудлыг судлаач профессор Михаела Ахт-Гадерман (Michaela Axt-Gadermann) хүүхдийн оюун ухаан, эрүүл мэндэд нөлөөлдөг хүчин зүйлсийг тодорхойлсон байдаг. Тэрбээр хөдөлгөөн болон спорт нь энэ бүх хүчин зүйлсийг бүтээж бий болгох "тоосго" нь юм гэжээ.

Тиймээс “Оюуны Эрэл” оюутны холбооноос Монголын их дээд сургуулиудын Спортын их наадмыг “Нэгдлийн төлөө спорт-Хөгжил дэвшил” уриатайгаар 10 дахь жилдээ амжилттай зохион байгууллаа.

Тэмцээний үеэр

Тэмцээний гол зорилго бол оюутан залуус нөхөрсгөөр бие биенээ хүндлэн тоглох явдал юм. Тус тэмцээн энэ сарын 17-ны өдөр “Оюуны Эрэл” оюутны холбооны салбар клубүүдийн дунд маш өрсөлдөөнтэй, сонирхолтой тоглолтуудаар дүүрэн болж өнгөрлөө.

Энэ жилийн сагсан бөмбөгийн тэмцээнд Улаанбаатар болон хөдөө орон нутгийн их, дээд сургуулийн нийт 15 баг тамирчид амжилттай оролцсон бөгөөд тэмцээний ялагчдаар:

Тэмцээний алтан медалийн шагналт “MUST-Оюуны Эрэл” клубынхэн

Эрэгтэй баг

- Алтан медалийг "ШУТИС-Оюуны Эрэл" клуб

- Мөнгөн медалийг "МУБИС-Оюуны Эрэл" клуб

- Хүрэл медалийг "ШАУ-Оюуны Эрэл" клуб

Эмэгтэй баг

- Алтан медалийг "МУИС-Оюуны Эрэл" клуб

Эмэгтэй алтан медальд шалгарсан “МУИС – Оюуны Эрэл” клубын хамт олон

- Мөнгөн медалийг "МУБИС-Оюуны Эрэл" клуб

- Хүрэл медалийг "ЭМШУИС-Оюуны Эрэл" клубын баг тамирчид тус тус хүртлээ.

Түүнчлэн эрэгтэй шилдэг тоглогчоор "МУИС-Оюуны Эрэл" багийн довтлогч А.Бат-Амгалан, эмэгтэй шилдэг тоглогчоор "ЭМШУИС-Оюуны Эрэл" багийн ахлагч Б.Тэлмэн нар шалгарсан байна.

Мөн тэмцээний шилдэг хөгжөөн дэмжигчдээр “MUST-Оюуны Эрэл” клубынхэн шалгарсан бол гурван онооны шидэлтийн бооцоот тэмцээнд “МУБИС-Оюуны Эрэл” клубын ахлагч н.Баярманлай, “ЭМШУИС-Оюуны Эрэл” клубын н.Дуламсүрэн нар шалгарсан юм.

Спорт бол бүх хүчин зүйлсийг бүтээх "тоосго"