МҮОНТВ-ийн “Нээлттэй хэлэлцүүлэг” нэвтрүүлэг “Залуу нас, эрүүл амьдрал” сэдвийн хүрээнд хүрлээ. Нэвтрүүлгийн зочдоос Эрүүл мэндийн сайд Н.Удвалын байр суурийг онцолж байна.

-Сүүлийн үед 10 жилийн хүүхдүүд архиддаг боллоо. Үүний нөхцөл шалтгаан нь юу болов. Нийгэм, гэр бүлийн зүгээс ямар хүчин зүйл нөлөөлж байгаа бол. Та энэ дээр ямар дүгнэлт хийж, ямар эмзэглэлтэй явдаг вэ?

Эрүүл мэндийн сайд Н.Удвал: Архидалт бол ерөнхий утгаар нь авч үзвэл зан үйлийн үзэгдэл. Архийг хүн зохистой хэрэглэж, ууж, амсаж болно. Гэхдээ согтотлоо, давтан уух нь явсаар архи гэдэг өөрөө донтуулдаг, дон гэдэг эмгэгийг үүсгэдэг найрлагатай байдаг учраас энэ нь маш том нийгмийн асуудал болдог.

Би архийг химийн дайнтай зүйрлэдэг.

Монгол улсад анх 2003 онд архидан согтуурахаас сэргийлэх, хяналт тавих үндэсний хөтөлбөрийг баталсан. Архи, согтууруулах ундааны татварыг нэмэх, архигүй өдрийг гаргаж, мөн 21 хүртэлх насны хүүхэд залуучуудад архи худалдахгүй байх гэх мэт маш олон арга хэмжээнүүдийг энэ хөтөлбөрт тусгаж өгсөн.

Архины хэрэглээ залуужиж, архинд донтох үзэгдэл залуучуудын дунд нэмэгдэж байгаа. Энэ нь нэг хүний асуудал биш. Нийгмийн болоод үндэсний аюулгүй байдлын асуудал. Монголчуудын нэг хүний хэрэглэж буй архи бусад орны нэг хүний хэрэглэж буй архинаас хоёроос гурав дахин их байдаг. Би өөрөө энэ архийг химийн дайнтай зүйрлэдэг.

Архины хэрэглээ залуужиж, архинд донтох үзэгдэл залуучуудын дунд нэмэгдэж байгаа.

Архинаас болж эрэгтэйчүүдийн дундаж наслалт богиносож байгаа. Залуу нас гэдэг хүний амьдралын суурь нь байдаг. Хэрэв тэр сууриа хазгай, дутуу, буруу тавибал насан туршдаа тэр байрыг засаж, залруулах аргагүй. Тиймд энэ асуудалд нийтээрээ анхаарч үндэсний аюулгүй байдлын түвшинд авч үзэх асуудал болсон.

Мөн манайхны баяр ёслол их байна. Үе тэнгийнхний нөлөө бас бий. Залуучуудад өөртөө итгэлтэй, бусдын нөлөөнд орохгүй, өөрийгөө хүндэлдэг  зан үйлийг төлөвшүүлэх ёстой. Түүнчлэн архи олдоц сайтай, авахад амар, үнэ хямд, татвар бага байна.

Энэ байдлаас гарахын тулд залуучуудын цуглах цоо шинэ фитнесс, бусад чөлөөт цагийн эрүүл идэвхитэй амьдралын клуб зэргийг гаргах ёстой. Ерөнхий сайдын санаачилгаар эрүүл мэндийг дэмжих сангаас “Архигүй диско” хөтөлбөрийг хэрэгжүүлэхээр эхнийхээ санхүүжилтийг аваад залуучууд маань ажиллаж байгаа. 

Дэлгэрэнгүйг нэвтрүүлгээс...