Өргөдлийн байнгын хороо өнөөдрийн хуралдаанаар нэг жилийн үйл ажиллагааны тайлангаа хэлэлцлээ.

Өргөдлийн байнгын хороо, УИХ-ын Тамгын газарт давхардсан тоогоор 5575 иргэнээс 2202 санал хүсэлт иржээ.  Өргөдлийн байнгын хороонд иргэдээс ирүүлсэн хүсэлтийг 30 хоногийн дотор хариу өгдөг юм байна.

Ирсэн өргөдөл гомдлын харахад мөнгөн тусламж хүссэн 189, гавъяа шагнал 67, ахмад дайчидтай холбоотой халамж тусламж 155, орон сууц, хашаа байшингийн зээл тусламж 334, Сургалтын төрийн сангаас зээл тусламж 105, төсвийн байгууллагад ажилд оруулж өгөх талаар 179 иргэн ханджээ.

Гадаадад эмчилгээ хийлгэх 173, шүүхийн байгууллагатай холбоотой 147 гэхчлэн тоо баримтаас харахад 1700 иргэн хувийн асуудлаар хандаж 1415-д нь Өргөдлийн байнгын хороо амаар болон бичгээр хариулт өгчээ.