Байгаль орчин, ногоон хөгжлийн яамнаас “Ойн үндэсний чуулган”-ыг энэ сарын 19 нд Улаанбаатар хотод зохион байгуулах гэж байна.

Тус чуулганд Төр, хувийн хэвшлийн 500 гаруй төлөөлөгч оролцон ойн талаар төрөөс баримтлах бодлого, ойн бодлогын шинэчлэл, менежментийн талаар хэлэлцэх юм байна.

Мөн ойн сангийн өмнө тулгамдаж буй асуудлуудыг ярилцаж, цаашид  хийж хэрэгжүүлэх төсөл хөтөлбөрүүдээ тодорхойлох юм. Тухайлбал, ойн сан бүхий 2.1 сая га газарт байгаа 64000 орчим  унанги болон хатсан модыг хэрхэн ашиглах, түлшний хэрэгцээг хангах, ойн цэвэрлэгээ, үйлчилгээ хийх ажлын байр бий болгох талаар ярилцах гэнэ.

Өнгөрсөн оны байдлаар манай улсын ойн сан бүхий газар 18.6 сая га буюу нийт нутаг дэвсгэрийн 11.9 хувийг эзэлж байна. 2006 оноос хойш ойт нутгийн эзлэх хувь буурах хандлагатай байгаа аж.