УИХ-ын гишүүн Г.Батхүүтэй холбоотой мэдээлэл цахим ертөнцөд тархав. Энэ талаар гишүүн тайлбар хийлээ.

УИХ-ын сонгуулийн маргаан өнөө хэр нь үргэлжилж ялангуяа Увс, Өвөрхангай аймгийн маргаан жил тойрч байгаа ч халуун сэдвийн нэг хэвээр байна.

Өвөрхангай аймгаас УИХ-д сууж байгаа Г.Батхүүтэй холбоотой нийтлэл гарч, АПУ компани дампуурч байгаа, их хэмжээний өрөнд байгаа тухай энэ материалд дурьджээ. Энэ бүхнийг гишүүн Г.Батхүү эсэргүүцэж хуулийн байгууллагад хандахаа илэрхийллээ.

УИХ-ын гишүүн Г.Батхүү “Хэн нэгэн хүн өөртөө тохирсон бодлого явуулах гэж оролдож байна. Тиймээс би холбогдох хууль, хяналтын байгууллагад хандаж эзнийг нь тогтоолгоно. Өөрийн нэр төрийг сэргээлгэнэ. Нийтлэлд гарсантай холбоотой надад ямар нэгэн гэм буруутай зүйл байхгүй гэдгийг мэдэгдэж байна” хэмээн тайлбарлалаа.