Сонгинохайрхан дүүрэг хороо тус бүрийн ахмадууддаа хүндэтгэл үзүүллээ
2014.01.29

Сонгинохайрхан дүүрэг хороо тус бүрийн ахмадууддаа хүндэтгэл үзүүллээ

Сонгинохайрхан дүүрэг хороо тус бүрийн ахмадууддаа хүндэтгэл үзүүлж байна өнөөдөр тус дүүргээс сонгогдсон УИХ-ын гишүүд, нийслэл болон иргэдийн төлөөлөгчид 4-р хорооны ахмадуудад хүндэтгэл үзүүлж сар шинийн мэндийг дэвшүүллээ.

СХД жил бүр сар шинийн баяраар ахмад настнууддаа хүндэтгэл үзүүлдэг. Уламжлал ёсоор энэ жил хороо тус бүрд ахмадуудыг хүлээн авч уулзлаа. Тус дүүргийн 4-р хороо 560 гаруй ахмад настантайгаас 60-с дээш насны ахмадууд 80 гаруй хувийг эзэлдэг юм. Хүндэтгэлийн үйл ажиллагааны үеэр тус дүүргийн удирдлагууд өнгөрсөн жил хийсэн ажлаа тайлагнаж ирэх онд хийх ажлаа танилцуулсан юм. Тухайлбал сар шинийн босгон дээр хорооны болон өрхийн эмнэлгийн шинэ байрыг ашиглалтад оруулсан бол 2014 онд гудамжаа гэрэлтүүлэгтэй болгохоор болсон байна.

СХД-ийн ИТХ-ын дарга Х.Нямбаатар “Хороодоор тойрч хороо болгонд арван ахмадуудад хүндэтгэлийн арга хэмжээ зохион байгуулсан.  Манай дүүргээс УИХ-ын хуралд сонгогдсон гурван гишүүн мөн хороо тус бүрт тодорхой тооны ахмадуудад хүндэтгэл үзүүлсэн.

Ахмадуудын зүгээс нам намаараа талцаж байхаар нэгдэж нийлээд ажиллахыг харах сайхан байна. Тиймээс цаашид ч мөн эв найртай байж улс орноо хөгжүүлэхэд ихийг хийгээсэй гэж хүсч байгаагаа илэрхийлсэн юм.