Инженерийн чиглэлээр Мянган оюутныг хөнгөлөлттэй зээлээр Японд сургах асуудлыг хэрэгжүүлэхээр Улсын их хурлын түвшинд ярилаа.  

Энэхүү зээлийн хэлэлцээрийн талаар Аюулгүй байдал, гадаад бодлогын байнгын хороо хэлэлцлээ.

БСШУ-ны яамны мэдээллээс үзвэл засгийн газар олон улсын Жайка байгууллагын хөнгөлөлттэй зээлийн хөтөлбөрийн хүрээнд инженер технологийн мэргэжилтнүүдийг бэлтгэхээр Япон улсын талтай тохиролцон, хоёр тал харилцасны дүнд 2014-2015 он хүртэлх хугацаанд мянган оюутныг сургахаар ярилцаж байна.

Хөтөлбөрийг хэрэгжүүлэх үүднээс Жайка байгууллага засгийн газарт 75 сая долларын зээл олгох ажээ.

Байнгын хороодын гишүүдийн зүгээс дараах байр суурийг илэрхийллээ.

УИХ-ын гишүүн Д.Ганбат:

Дарга нарын хүүхэд сураад ирдэг хэмээн шүүмжлэл их гардаг. Тэгэхээр хамралтыг сайн хийх үүднээс мянган баг, 330 сумаасаа түүж хүүхдүүдээ бэлдмээр байна.

Японд суралцах хүүхдүүдийг төгсөөд ирэхээр Хөшигтийн хөндийн нисэх онгоцны бүтээн байгуулалт болон Сайншандын аж үйлдвэрийн паркид ажиллуулах хэрэгтэй гэдгийг бусад гишүүд хэлж байлаа.