Арвандолдугаар жарны “Ялгуусан” хэмээх модон морин жилийн шинийн 9-ний билэгт сайн өдөр Улаанбаатар хотод ажиллаж амьдарч буй Өвөрхангай аймгийн уугуул иргэдийн золголт “АСА” циркт боллоо.

Золголтод УИХ-ын гишүүн Г.Батхүү оролцож, нутгийн зон олондоо хандан мэндчилгээ дэвшүүлсэн юм. Тэрбээр, “Ялгуусан хэмээх модон морин жилд монгол түмэн элгээрээ энх амгалан, төрлөөрөө түвшин амгалан байхын ерөөл айлтгая.

Өвөрхангайчууд улиран одож буй жилд гаргасан амжилтаа бататгаж, их зүйл хийж бүтээн, нутаг ус, улс орныхоо хөгжилд хувь нэмрээ оруулна гэж итгэж байна” гэлээ.

Өвөрхангай аймгийн уугуул иргэдийн золголтыг жил бүрийн Цагаан сарын шинийн 9-нд хийж байх товыг энэ үеэр дуулгасан юм. Өнөө жилийн золголтод сум бүрээс төлөөлөгчид хүрэлцэн ирж оролцлоо.