“Халуун сэдэв” нэвтрүүлэг энэ удаад намуудын тулгамдаж байгаа асуудал болох гишүүнчлэл санхүүжилт, өмч хөрөнгийн асуудлыг хуулийн төсөлд ямар байдлаар суулгасан бэ гэсэн асуудлыг хөндөх болно.

Улс төрийн намуудын шинэчлэлийн асуудал нийгэмд байгаа авилгын суурь асуудал болдог гэж судлаачид нэг талаас үздэг. Нөгөө талаас нийгэмд байгаа авилгал нь улс төрийн намд нөлөөлж байна гэсэн харилцан систем тогтчихсон байгаа учраас улс төрийн намыг төлөвшүүлэх, намын санхүүжилт, өмч хөрөнгө, гишүүнчлэл гэдэг асуудлыг нэг тийм болгох шаардлагатай гэдэг дүгнэлтийг судлаачид гаргаж ирдэг. Сонгууль дөхөх үеэр асар их хэмжээний мөнгө гаргаж байж засгийн газрын, УИХ-ын гишүүн болдог тогтолцоо байна.

Улс төрийн намуудын санхүүжилт тайлан тооцоо ил тод биш байдаг байдал нь өнөөдөр эдийн засгийн салбарын өрсөлдөөний үнэ цэнийг багасгаж байна гэж шууд хэлж болох юм

Үүнд намууд ямар байр суурьтай байгааг товчлон хүргэе.

МАН-ын дарга М.Энхболд: улс төрийн намуудын санхүүжилтийн асуудлыг нэгдсэн байдалтай болгохоор хууль эрх зүйтэй байх ёстой. Ялангуяа сонгуулийн зардал санхүүжилтийг адил түвшинд авч сурталчилгаанд оролцох нь зүйтэй гэсэн байр суурьтай байгаа.

АН-ын Ерөнхий нарийн бичгийн дарга Ц.Оюундарь: Үндсэн хуулийн өөрчлөлтийн асуудал Ардчилсан намаа нэр дэвшиж Монгол улсын Ерөнхийлөгч болсон Ц.Элбэгдоржийн санаачилгаар УИХ-д хууль болгох хэлэлцүүлж байгаа асуудал. Сонгуулийн хууль мөн ижил байгаа. Харин ажлын хэсгүүд уулзалтыг ажил хэрэгч байдлаар зохион байгуулах шаардлага байгааг ажлын хэсгийг ахалж байгаа Ардчилсан намын гишүүддээ сануулна.

Нэвтрүүлгийг бүрэн эхээр нь бичлэгээс үзнэ үү...