Оюутны 70 мянган төгрөгийг суралцах хугацаанд нь олгож эхэлсэн нь залууст оруулж байгаа хөрөнгө оруулалт болоод байна. Ирэх хаврын чуулганаар энэ асуудлыг хэлэлцэнэ. хамгийн гол нь төрийн түшээд дээрх хуулийн төслөөр хэрэгжүүлэх боломжтой хэмээн тайлбарлаж байгаа.

Шинэчлэлийн засгийн газраас хэрэгжүүлсэн гол ажлаар Оюутны тэтгэлэг нэрлэгдэж байгаа. Энэ ажил нилээдгүй айлд ач тусаа өгсөн гэдэг дүн гарчээ. Ажлыг цаашид үргэлжлүүлж, тэтгэлгийн хэмжээг нэмэгдүүлэх талаар удаан түвшинд яригдаж эхэлсэн. Энэ нь их дээд сургуульд суралцагчдын дунд хүлээлт үүсгээд байна. Тодруулбал тэтгэлгийн хэмжээг 96 мянгад хүргэх талаар санал орсон, мөн дэмжлэг авсан. гэхдээ гишүүдийн дунд сургуулийн чанар чансаа, оюутны идэвхийг харгалзах талаар тусгасан.

Сурлагын өндөр амжилт гаргасан оюутнуудад олгодог тэтгэлгийн хэмжээг илүү өндөр тогтоох, хичээлдээ хайнга ханддаг оюутнуудад тэтгэлэг олгохгүй байх асуудал их хурлын түвшинд яригдаж байгаа.

УИХ-ын гишүүн Д.Батцогт: Бүгдэд хавтгайруулан тэтгэлэг олгох асуудлыг эхлээд шийднэ. Яригдаж байгаа төслөөр бол сайн сурлагатай оюутнуудад нь өгнө гэсэн дүн гарвал тэтгэлэг өгөх бололцоо байгаа. Одоогоор бүх асуудал хэлэлцүүлгийн шатанд явж байгаа.

Үндэсний тэтгэлэг цаашид ямар арга замаар олгогдох нь ирэх хаврын чуулганаар эцэслэнэ. Үндсэндээ сурлагын амжилт, идэвхийг харгалзан тэтгэлгийн хэмжээг тодорхойлох магадлал өндөр байна.

Оюутны тэтгэлгийг 96 мянгад хүргэх боломж бий гэлээ