25-р суваг телевизийн энэ удаагийн ярилцлагын цагийн зочноор Цөмийн энергийн газрын дарга Н.Тэгшбаяр оролцлоо.

- Цөмийн хог хаягдлыг Монголд булшлах гэж байна гэдэг асуудал сүүлийн үед олон нийтийн анхаарлыг татсаар байна. таны хувьд тодорхой мэдээлэл өгөхгүй юу?

Цөмийн энергийн газрын даргын болон, цөмийн болон засгийн хяналтын улсын ерөнхий байцаагчийн хувьд хэлэхэд хог хаягдалтай холбоотой ямар ч асуудал байхгүй гэдгийг албан ёсоор хэлмээр байна. Хог хаягдлаар далимдуулж ард иргэдийг айлгах зүйлийг хийхгүй байхыг хүсч байна.

- Энэ яриа чухал хаанаас эхлээд гарах болов, ямар зорилготой гарч байна гэж бодож байна?

Хаанаас гарсанг хэлж мэдэхгүй, ямар ч байсан хилээр цөмийн хаягдал оруулахгүй байхын тулд АНУ-тай хамтарч хилийн бүс дээр хог хаягдлын эсрэг, хориотой бараа бүтээгдэхүүний эсрэг монитор тавьсан. Одоо бол ямар ч тохиолдолд Монгол улсын хилээр хориотой зүйл орж ирэхгүй хяналт сайн байгаа. Тиймээс асуудал байхгүй энэ бол цуурхал.

- Олон улс атомын цахилгаан станцаас татгалзаж байхад манайд шар нунтаг олборлож байгаа мэдээлэл байна. Энэ шар нунтаг нь байгаль орчин, хүн амын удамшлын асуудалд нөлөөлөх хор юу байна?

Одоо бол ямар ч тохиолдолд Монгол улсын хилээр хориотой зүйл орж ирэхгүй хяналт сайн байгаа

Атомын цахилгаан станцаас олон улс татгалзаж байгаа гэж хэлж болохгүй. Герман улс татгалзах тухай ярьж, атомын станцаа зогсоосон тохиолдол бий. Маш олон орон эсрэгээрээ атомын станц барих хөтөлбөрөө эхлүүлж байгаа. Жишээлбэл Турк эхлүүлж, Хятад улс барьж байна гэх мэт шинээр атомын станц барьж байгаа улсууд бий.

Манай цөмийн энергийн газрын хувьд цацраг идэвхит ашигт малтмал цөмийн технологийн төрөөс барих бодлогыг хэрэгжүүлдэг, цөмийн энергийн болон бусад хуулийг хэрэгжүүлэхээр ажилладаг байгууллага. Үүний хүрээнд цацраг идэвхит ашигт малтмал, стратегийн орд газрыг эдийн засгийн эргэлтэд оруулах гээд засгийн газрын мөрийн хөтөлбөрийг хэрэгжүүлж ажиллаж байгаа. Шар нунтгийн хувьд хүмүүсийн яриад байгаа шиг аюултай зүйл биш эстэй адил бүтээгдэхүүн. Аяганд хийж байгаад дээрээс нь бичгийн цаас тавихад л хор нөлөө үзүүлэхээргүй зүйл.

Монгол улс уран олборлох салбарт өрсөлдөх чадвартай байх нь Монголд хэрэгтэй болохоос хортой зүйл байхгүй. Мэдээж олборлох явцад технологийн горим, стандарт бий. Манай салбар цөмийн технологийн энхийн хэрэглээг дэмжиж технологи сайн нэвтрүүлсэн гэж дүгнэсэн нь энэ салбарт сайн ажиллаж байгааг нотолж байгаа хэрэг юм.

Үргэлжлэлийг нэвтрүүлгээс ...

Уран олборлох салбарт өрсөлдөх чадвартай байх нь Монголд хэрэгтэй болохоос хортой зүйл байхгүй