Холын цэнхэр Ховд нутагтаа аж төрөн амьдран суугаа нутгийн ахан дүүс та бүхнийхээ амар мэндийг айлтгая. Хүйтний ам цаашилж, урин цаг наашилж өргөн дэлгэр эх орондминь хаврын тэргүүн cap айлчлан ирж буй энэ л цаг мөчид та бүхэнтэйгээ учран золгож байна.

Өнгөрөн одож буй Бар жил Монгол Улсын туүхэнд тэмдэглэгдэх онцлог үйл явдлуудаар дүүрэн жил байлаа. Монгол газар шороонд, Монголын ард түмэнд харамгүй заяасан ашигт малтмал, байгалийн баялгийг зүй зохистой ашиглаж, эдийн засгийн эргэлтэнд оруулан улс орноо хөгжүүлэх, ард иргэдийнхээ амьдралын чанарыг сайжруулах шинэ хөгжлийн гараан дээр ирснийг улс төр, эдийн засаг, нийгмийн салбарт болсон олон чухал үйл явдлууд илтгэн харууллаа.

Улс төрийн томоохон хүчнүүд шинэчлэлийн асуудлыг хөндөн, ардчилсан нийгмийг цогцлоон хөгжүүлсэн түухт 20жилийнхээ алдаа оноог дүгнэн хэлэлцэж, ирээдүйн 20жилийнхээ өнгө төрхийг тодорхойлон гаргалаа.

Шинэ хөгжлийн гараа гэж тэмдэглэгдэж буй энэ цаг үе Ховд нутгийн маань хувьд ч шинэ ахиц дэвшлийн гараа байх ёстой. Өнгөрсөнтэйгээ болоод хуучинтайгаа харьцуулахад нутаг орон маань чамлахааргүй хөгжиж байгаа ч өнгөрсөн үетэйгээ бус ирээдүйд хүлээж буй их боломжтойгоо харьцуулан ямагт урагшланахихучиртай. Оюунлаг, хөдөлмөрч ард түмний үр сад болсон Ховдчууд бидэндхэний ч царайг харахааргүйбзхий л талын нөөц боломж бий гэж боддог. Дэлхийд гайхагдсан өв соёл, үржил шимт хөрс шороо, байгаль эхээсурлаж өгсөн уул ус, гол мөрөн минь хүртэл бидний үнэт баялаг билээ. Үүний нэгээхэн илрэл нь алтайн сурлэг уулсынхаа сур хуч, хайр ивээлийг аялгуу болон эгшиглүүлсэн Хөөмийн урлаг маань дэлхийн биет бус соёлын өвд албан ёсоор бүртгэгдэж, дэлхийд данслагдсан явдал юм.

Айлчлан ирж буй Туулай жил Ховдын ард түмэнд маань хайр ивээлээ харамгүй өгч, ахиц дэвшил,өнгө төрх нэмсэн жил болно гэдэгт итгэлтэй байна. Энэ 2011 онд Ховд аймаг байгуулагдсаны 80жил,Ардын хувьсгалын 90жил, Монголын үндэсний эрх чөлөөний хөдөлгөөний хувьсгалын 100 жил, Монголын тулгар төр байгуулагдсаны 2220 жилийн гээд давХар давхар түүхэн ойнууд тохиож байна. Энэхүү түүхт ойнуудаар баярлаж наадах, ууж идэхдээ гол нь биш орон нутгийнхаа хөгжилд хувь нэмэр оруулсан бодитой бутээлчөрнөсөн жил болоосой гэж хүсч байна.

Та бүгдийнхээ итгэлийг хүлээн, төлөөлөл болон төр улс, түмэн олондоо зүтгэж яваагийн хувьд өнгөрсөн нэг жилийн хугацаанд хийж хэрэгжүүлсэн ажлаа товчлон тайлагнаж байгааг минь хүлээн авна уу.

Бэлэг ерөөл дүүрэн эгэл түмнийхээ баяраа эрхэм нутгийн ахан дүүс та бүхэнминь сайхан тэмдэглээрэй. Алдрай бяцхан үрсээ энхрийлж алтан сургааль хайрлаарай. Ахмад буурлуудаа ачилж удаан жаргалыг ерөөгөөрэй. Өөдрөг гэгээн сэтгэлээр амьдрал жаргалаа бэлэгшээгээрэй. Алтайн сүрлэгуулс шигээ сэхүүн хийморьтой, ариун тунгалаг Буянт гол шигээ цагаахан сэтгэлтэй ахан дүүс, зон олондоо айлчлан ирж буй cap шинийн мэндийг дэвшүүлж аз жаргал, эрүүл энх, сайн сайхныг хүсэн ерөөе.

Элгэн нутгийн зон олон, малчин түмэн та бүхэндээcap шинийн мэндийг дэвшүүлж, сайн сайхны ерөөл өргөн мэндчилье. Морилон ирж буй туулай жилдээ айл бүхний амьдрал аз жаргалаар бялхаж, эрүүл энх, элэг бүтэн байж, санасан үйлс тань сэтгэлчлэн бүтэх болтугай.

Хүндэтгэсэн,

МОНГОЛ УЛСЫН ИХ ХУРЛЫН ГИШҮҮН, ХОВД АЙМГИЙН НУТГИЙН ЗӨВЛӨЛИЙН ДАРГА САНДАГИЙН БЯМБАЦОГТ