Гадаад харилцааны сайд саяхан Солонгос улсад айлчлахдаа Визний мэдүүлгийг хөнгөвчлөх асуудлаар төрийн бүхийл дээд шатанд тавьсан байна.

Тун удахгүй асуудал нааштайгаар шийдэгдэх боломжтойг гадаад харилцааны сайд Л.Болд онцолж байна.

Манайхан хил даваад эргэж ирдэггүй байдлаас виз гаргуулах асуудал тун хүндрэлтэй болсон юм. Гадаад харилцааны яамны зүгээс ОХУ, Япон, Солонгос, Европын орнууд болон Америкийн нэгдсэн улстай иргэдийн визний хөнгөлөлтийн журамд шилжих саналыг тавьсан байна. Одоогоор ХБНГУ дипломат ажилтны паспортыг визгүй болгохыг хүлээн зөвшөөрчээ.

Мөн иргэдийн визийг хөнгөвчлөх журамд шилжихээр болсон гэдгийг гадаад харилцааны яамнаас мэдээллээ. Манай улсын хамгийн ихээр зорчдог Солонгос улс визний мэдүүлэг авахдаа өндөр төлбөр хураамж авдаг, барьцаа шаарддаг байдлыг өөрчлөх яриа хэлэлцээрийн ажил хийгдэж эхэлсэн гэх мэдээллийг өгч байна.

Гадаад харилцааны сайд Л.Болд: Хоёр жилийн өмнө виз мэдүүлэх асуудал, хураамж чөлөөлөх гэх мэт тодорхой хөнгөлөлтүүд өгсөн. Гэхдээ энэ асуудалд Солонгосын талаас барьцаа мөнгө авдаг, хүнд сурталтай гэх асуудал байгаа. Миний хувьд айлчлалаараа энэ асуудлыг төрийн бүх түвшинд тавьж ойрын үед шийдэх талаар тодорхой алхам хийсэн.

Одоогоор манай улсын иргэд хоёр хөрш болон Турк, Азийн хэд хэдэн улсад нэг сарын хугацаанд визгүй зорчих эрхтэй байдаг. Шинэчлэлийн засгийн газар гадаад бодлогын хүрээнд ийнхүү хэд хэдэн оронд визний хөнгөлөлтөд шилжих санал тавьсан учраас нааштай шийдэгдэх боломжтойг салбарын сайд нь онцоллоо.

БНСУ-ын визний мэдүүлгийг хөнгөвчлөх асуудал яригдаж байна