Цөмийн энергийн газар Азийн цөмийн хамтын ажиллагааны форумын хүрээнд хэрэгжүүлдэг төслүүдээ дүгнэж хэлэлцлээ.

Монгол Улс “Азийн цөмийн хамтын ажиллагааны форум”-ын гишүүн. Иймд тус форумаас  Цөмийн энергийн газраар дамжуулан 2010-2013 онд манай улсад 10 төсөл хэрэгжүүлсэн байна.

Эдгээр төслийн хүрээнд цөмийн технологи өндөр хөгжсөн Япон, Солонгос зэрэг улсын хамгийн сүүлийн үеийн ололтыг нэвтрүүлэх, эрүүл мэндийн салбар, хүнсний аюулгүй байдал, ургацын үр ашгийг нэмэгдүүлэх юм. Тухайлбал, “Мутацийн селекц ба тогтвортой хөгжил” төсөл хэрэгжсэнээр Монгол орны хүнсний гол хэрэглээний нэг  улаан буудай, арвайг өндөр ургацтай болгох, өвчин хортон, ганд  тэсвэртэй шинэ сортууд  гаргахад чиглэх юм. Мөн “Нейтроны идэвхжлийн анализ” төслөөр  экспортод  гаргаж буй нүүрс, зэсийн баяжмал зэрэг ашигт малтмалд  ямар хэмжээний  үнэт метал байгааг тодорхойлох боломж бүрдэнэ.